Sani di yu kan fruteri fu den tijdschrift

A Waktitoren 15 yuni

„Furu fu wi sa wroko a moro bigi pisi ten fu wi libi. Son sma e si disi leki wan blesi; trawan e si en leki wan fluku. Fa yu e prakseri fu disi? [Gi a sma na okasi fu piki. Leisi baka dati Preikiman 2:24.] A tijdschrift disi e sori fa Bijbel kan yepi wi fu si a wroko di wi e du na wan yoisti fasi. A e sori tu san wi kan du te wi e broko wi ede nanga sani di abi fu du nanga a wroko fu wi.”

Ontwaakt! 22 yuni

„Yu denki taki a libimakandra fu wi ben o de wan moro bun presi efu ala sma ben o libi akruderi den wortu disi? [Leisi Efeisesma 4:28. Baka dati, gi a sma na okasi fu piki.] A tijdschrift disi e taki fu den takru bakapisi di ibriwan fu wi e kisi te sma e fufuru sani na ini wenkri. A e sori tu taki a fufuru di sma e fufuru sani, èn sosrefi ala tra sortu ogridu, o kon na wan kaba heri esi.”

A Waktitoren 1 yuli

„Wi alamala sabi sma di e libi na wan fasi di gersi leki ala sani e waka bun gi den, ma toku den sma dati e feni taki wan sani e mankeri na ini den libi. San yu denki taki den e suku? [Gi a sma na okasi fu piki. Baka dati, leisi Mateyus 5:3.] A tijdschrift disi e taki fu wan prenspari sani di o meki wi abi wan korostu firi, namku te wi e kisi san wi abi fanowdu na yeye fasi.”

Ontwaakt 8 yuli

„Na ini a ten disi, furu sma de di e strei nanga makandra fu kisi wan moro bun wroko. Aladi dati de so, toku wan fu den moro bigi problema di de, na taki sma no abi wan wroko. A tijdschrift disi e taki fu feifi sani di kan de wan yepi fu feni wan wroko. [Poti prakseri na a ondro-edeprakseri di skrifi nanga fatu letter na ini na artikel di nen „Vijf suggesties voor het vinden van een baan”.] A e gi bun rai tu fu sorgu taki yu no lasi a wroko fu yu.” Leisi Odo 22:29.