Sani di yu kan fruteri fu den tijdschrift

A Waktitoren 15 yuni

„Yu denki taki wi kan de koloku, aladi wi abi problema? [Gi a sma na okasi fu piki.] A tijdschrift disi e sori wi pe wi kan feni rai di kan yepi wi fu lusu den problema fu a libi. A e sori sosrefi fa tru howpu e gi krakti fu horidoro.” Leisi Openbaring 21:3, 4.

Ontwaakt! yuni

„Yu no feni taki den rampu di e pasa na ini a ten disi, e sori krin o prenspari a de fu gi yesi na warskow? [Gi a sma na okasi fu piki.] Na artikel disi e taki fu den ondrofenitori fu den sma di tan na libi, baka di a bigi ogri winti Katrina wai pasa. A tijdschrift e taki tu fu wan warskow di wi alamala musu gi yesi na dati na ini a ten disi.” Taki fu na artikel di e bigin na tapu bladzijde 14.

A Waktitoren 1 yuli

„Na ini a grontapu fu tide di lai nanga problema, furu sma e aksi densrefi: ’Fu san ede a libi lai nanga so furu problema? Efu Gado de trutru, dan fu san ede a no e tyari wan kaba kon na a pina di sma e pina?’ Oiti yu prakseri a tori dati? [Gi a sma na okasi fu piki.] Na ini a tijdschrift disi, wi e leisi den moi piki di Bijbel e gi tapu den aksi disi.” Leisi 2 Timoteyus 3:16.

Ontwaakt! yuli

„Na ini a ten disi, moro nanga moro sma abi problema na ini a trowlibi fu den. Yu denki taki trowpatna kan kisi wini te den e gebroiki a rai disi di skrifi na ini Bijbel? [Leisi Efeisesma 4:32. Baka dati, gi a sma na okasi fu piki.] A tijdschrift disi e taki fu Bijbel gronprakseri di e wroko langa ten kaba, èn di kan yepi wi fu kisi wan koloku trowlibi.”