Schema gi a Diniwroko Konmakandra

HORI NA PRAKSERI: Wán, noso tu mun baka a „Gi yesi na Gado” Distrikt Kongres, unu kan gebroiki 15 te go miti 20 miniti na a Diniwroko Konmakandra (kande unu kan gebroiki a pisi „Sani di a gemeente abi fanowdu”) fu luku wan tu prenspari sani baka fu a kongres, di den preikiman ben man gebroiki bun na ini a preikiwroko. A spesrutu pisi fu a Diniwroko Konmakandra dati sa gi wi na okasi fu fruteri fa wi e gebroiki den sani di wi leri na a kongres èn fa den sani dati yepi wi fu preiki moro bun.​—Luku Wi Kownukondre diniwroko fu april 2005, blz. 2.

Wiki di e bigin 8 augustus

Singi 125

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu unu sabi kaba o ten a kring konmakandra nanga a spesrutu dei konmakandra fu a dienstyari 2006 o hori, dan memre den preikiman na disi. Hori wán noso tu demonstrâsi fu den eksempre na ini na inibere pisi fu Wi Kownukondre diniwroko fu yuni 2005 di e sori fa fu tyari gobaka na den sma di teki brochure.

10 min: „Yu e gebroiki a papira fu gi sma wan kari?” Lezing èn takimakandra nanga den arkiman. Efu a fiti, dan aksi den arkiman fu taki sortu bun bakapisi den kisi di den gebroiki a papira disi. Hori wan syatu demonstrâsi di e sori fa wan preikiman e gebroiki a papira fu gi wan sma di wani sabi moro, wan kari fu kon na wan konmakandra.

25 min: „Now na a ten fu preiki!”a Seti sani na fesi so taki wán, noso tu gewoon pionier e fruteri sortu kenki den ben musu tyari kon fu man pionier èn sortu blesi den kisi fu dati.

Singi 197 nanga lasti begi.

Wiki di e bigin 15 augustus

Singi 11

10 min: Wan tu sani fu a gemeente. Efu a fiti gi a kontren fu yu, dan yu kan gebroiki den rai na tapu bladzijde 8 fu hori demonstrâsi di e sori fa fu pristeri A Waktitoren fu 15 yuli nanga na Ontwaakt! fu 22 yuli. Sori fa wan owruman makandra nanga wan preikiman di siki, e gi kotoigi nanga yepi fu telefon.

15 min: Yu e memre disi ete? Takimakandra nanga den arkiman di teki puru fu A Waktitoren fu 15 april 2005, bladzijde 30. Aksi den arkiman fu gi piki tapu ibriwan fu den aksi. Sori fa den kan gebroiki den sani di skrifi na ini na artikel, na wan bun fasi. Gi ala sma a deki-ati fu leisi ibri Waktitoren nanga Ontwaakt! finifini.

20 min: „Bigin studeri nanga sma na den mofodoro èn na telefon”.b Hori wan syatu demonstrâsi di e sori fa wan preikiman e gebroiki wán noso tu paragraaf nomo fu a San Gado e aksi-brochure, fu sori na ososma di a miti fu a fosi leisi, fa wan bijbelstudie e hori. Fruteri syatu wán noso tu moi ondrofenitori di e sori fa sma bigin wan bijbelstudie nanga yepi fu telefon.

Singi 30 nanga lasti begi.

Wiki di e bigin 22 augustus

Singi 161

10 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage.

15 min: Sani di a gemeente abi fanowdu.

20 min: „A de wan bigi grani fu du a Kownukondre preikiwroko”.c Te yu e taki fu paragraaf 4, dan luku a spesrutu seti baka gi den wan di no man du so furu na ini a preikiwroko fu di den owru, noso fu di den abi problema nanga a gosontu fu den. A seti disi na taki den kan gi den preikiwroko raportu pe skrifi taki den wroko 15 miniti.​—Luku a Kownukondre diniwroko fu oktober 2002, blz. 8, par. 6.

Singi 204 nanga lasti begi.

Wiki di e bigin 29 augustus

Singi 45

10 min: Wan tu sani fu a gemeente. Memre den preikiman fu gi den preikiwroko raportu fu a mun augustus. Efu a fiti gi a kontren fu yu, dan yu kan gebroiki den eksempre na tapu bladzijde 8 fu hori demonstrâsi di e sori fa wi kan pristeri A Waktitoren fu 1 augustus nanga na Ontwaakt! fu 8 augustus. Sori na ini wan fu den demonstrâsi, fa fu tyari wan gobaka na wan sma di e teki den tijdschrift doronomo.

15 min: „Gi kotoigi sondro fu taki wan sani”.d Aksi wan tu preikiman na fesi, fu fruteri fa a ben naki den ati di den si fa a pipel fu Gado e tyari densrefi, èn fa dati meki taki den tron dinari fu Yehovah.

20 min: Gebroiki Bijbel te yu e miti sma fu a fosi leisi. Lezing èn takimakandra nanga den arkiman. Luku den eksempre baka na ini Wi Kownukondre diniwroko fu september 2004, bladzijde 4, paragraaf 2, di e sori fa wi kan poti prakseri na Gado Wortu te wi e miti sma a fosi leisi. Hori wan demonstrâsi fu sori fa wi kan gebroiki wán noso tu fu den eksempre te wi sa pristeri publikâsi na ini september. Efu ten de ete, dan yu kan taki èn demo sosrefi fa fu gebroiki den eksempre fu na inibere pisi fu a Kownukondre diniwroko fu yanuari 2005.

Singi 71 nanga lasti begi.

Wiki di e bigin 5 september

Singi 98

10 min: Wan tu sani fu a gemeente.

15 min: „Hori bijbelstudie di e go na fesi​—Pisi 12”.e Seti sani na fesi so taki wán noso tu preikiman e fruteri san yepi den fu go na fesi fu bigin hori bijbelstudie.

20 min: Seti sani fu yepi den owruwan. Wan lezing di wan owruman e hori, di teki puru fu A Waktitoren fu 15 augustus 1993, bladzijde 28, 29, na a ondro edeprakseri „Organiseren is nuttig” (A bun fu seti sani). Taki fu den sani di seti na ini a gemeente fu yepi den sikiwan nanga den owruwan.

Singi 164 nanga lasti begi.

[Futuwortu]