Schema gi a Theokrasia Diniwroko-skoro fu 2006

Rai

Na ini a yari 2006 wi sa gebroiki den sani di e kon now fu hori a Theokrasia Diniwroko-skoro.

DEN BUKU DI WI O GEBROIKI: Nieuwe-Wereldvertaling van de Heilige Schrift [bi12-O] (Nyun-Grontapuvertaling fu den Santa Buku fu Bijbel), A Waktitoren [w], Kisi wini fu a Theokrasia Diniwroko-skoro [be], „De gehele Schrift is door God geïnspireerd en nuttig” (fu 1991) [si-O] (Na Gado meki sma skrifi ala den Buku fu Bijbel èn den bun), nanga Redeneren aan de hand van de Schrift (fu 1990) [rs-O] (Taki-go-taki-kon nanga yepi fu den Buku fu Bijbel).

A skoro musu bigin BITEN nanga singi, begi, èn wan tu wortu fu gi sma wan switikon. Baka dati, go doro soleki fa a skrifi na ondrosei. Baka ibri pisi, a skoro-opziener sa taki fu a pisi di e kon na en baka.

PENTI FU LERI TAKI MORO BUN: 5 miniti. A skoro-opziener, noso a sma di e yepi en, noso wan tra owruman di abi ondrofeni sa taki fu wan penti fu leri taki moro bun, di teki puru fu a Diniwroko-skoro-leribuku. (Na ini gemeente pe furu owruman no de, den kan gebroiki wan dinari ini a diniwroko di abi ondrofeni.)

LEZING NR. 1: 10 miniti. Wan owruman, noso wan dinari ini a diniwroko di abi ondrofeni musu hori a lezing disi, èn a sa teki puru fu A Waktitoren, fu a buku Kisi wini fu a Theokrasia Diniwroko-skoro, noso fu a buku „De gehele Schrift is door God geïnspireerd en nuttig”. A musu hori a pisi disi leki wan instruktielezing fu tin miniti èn a no musu hori wan aksi-nanga-piki takimakandra. A brada no musu abi na prakseri nomo fu taki fu a pisi di a kisi, ma a musu sori tu na sortu bun fasi sma kan gebroiki den sani di a taki; a musu poti prakseri na den sani di o yepi a gemeente. A brada musu gebroiki a nen fu a lezing di skrifi na tapu a papira di a kisi. A no de fu taki dati den brada di kisi a lezing disi, o luku bun taki den e hori densrefi na a ten di den kisi. Te a de fanowdu, dan den brada disi o kisi rai aparti.

EDEPENTI FU A LEISIPISI FU BIJBEL: 10 miniti. Wan owruman, noso wan dinari ini a diniwroko di abi ondrofeni, musu gebroiki den fosi feifi miniti fu fiti den tori na san a gemeente abi fanowdu. A kan taki fu iniwan tekst fu a leisipisi fu Bijbel gi a wiki dati. A brada no musu luku a leisipisi fu Bijbel syatu nomo. A moro prenspari sani di a musu abi na prakseri, na fu yepi den arkiman frustan fu san ede den tori bun èn fa densrefi kan gebroiki den tori. A takiman musu luku bun taki a no gebroiki moro leki den feifi miniti di a kisi fu hori a bigin pisi. A musu sorgu taki a e poti feifi miniti na wan sei so taki den arkiman kan teki prati na a takimakandra. A musu aksi den arkiman fu gi syatu piki (30 sekonde noso moro mendri) tapu den sani di den feni moi na ini a leisipisi fu Bijbel èn den wini di den kisi fu dati. Baka dati, a skoro-opziener sa gi wan tu studenti na okasi fu go na wan tra klas so taki den kan hori a lezing fu den.

LEZING NR. 2: 4 miniti noso moro mendri. Disi na wan pisi di wan brada musu leisi. A studenti musu leisi a pisi di a kisi, sondro dati a e taki wan sani na a bigin noso na a kaba. Te a musu leisi Psalm, dan a musu leisi den bigin wortu tu. A skoro-opziener sa wani yepi den studenti spesrutu fu frustan san den e leisi, fu leisi grati, fu poti krakti tapu den yoisti wortu, fu kenki den sten na a yoisti fasi èn na a yoisti ten, fu wakti pikinso pe a fiti, èn fu leisi leki fa den gwenti fu taki ala dei.

LEZING NR. 3: 5 miniti. Wan sisa o hori a pisi disi. Den studenti di kisi a pisi disi, sa kisi fu si na tapu a papira na sortu fasi den musu pristeri a bun nyunsu, noso den kan gebroiki wan fu den fasi di skrifi na tapu bladzijde 82 fu a Diniwroko-skoro-leribuku. A studenti musu gebroiki a nen di a kisi gi a lezing èn a musu fiti en na wan fu den fasi fa a preikiwroko e du trutru èn a musu luku efu sma kan gebroiki dati trutru na ini a kontren drape. Te a no skrifi pe a studenti kan feni a tori fu san a musu taki, dan ensrefi sa musu go suku moro sani fu a tori, fu di a e go luku na ini den publikâsi fu wi. Te den studenti di no de so langa ete na a skoro e kisi a papira pe skrifi sortu lezing den musu hori, dan den musu man si pe den kan feni a tori fu san den musu taki. A skoro-opziener sa poti spesrutu prakseri na a fasi fa a studenti e taki fu a tori. A sa poti prakseri sosrefi na a fasi fa a sisa e yepi na ososma fu frustan a tori nanga yepi fu den bijbeltekst, èn fa a sa yepi en fu frustan den moro prenspari sani fu a tori. A skoro-opziener sa gi a studenti wan sma fu hori a lezing nanga en.

LEZING NR. 4: 5 miniti. A studenti musu taki fu a nen fu a lezing. Te a no skrifi pe a studenti kan feni a tori fu san a musu taki, dan ensrefi sa musu suku moro sani fu a tori na ini den publikâsi fu wi. Te wan brada kisi a pisi disi, dan a musu hori en leki wan lezing, aladi a e hori den arkiman na ini a Kownukondre zaal na prakseri. Te wan sisa kisi a pisi disi, dan ala ten a musu hori en soleki fa a skrifi gi lezing nr. 3. A skoro-opziener kan luku o ten a fiti fu gi wan brada lezing nr. 4. Grantangi hori na prakseri taki na brada musu hori a pisi di abi wan marki, èn den musu hori en leki wan lezing.

A TEN: Nowan sma musu pasa a ten di a kisi fu hori en lezing, èn te a skoro-opziener e gi rai, dan a musu hori ensrefi na a ten tu. Efu a brada, noso a sisa di e hori lezing nr. 2 te go miti lezing nr. 4 e pasa a ten, dan a skoro-opziener musu tapu den na wan fasi di fiti. Efu den brada di e bigin nanga a fosi lezing pe den e taki fu wan penti fu leri taki moro bun, den wan di e hori lezing nr. 1, noso den wan di e taki fu den edepenti fu a leisipisi fu Bijbel, e pasa a ten, dan den musu kisi rai aparti. Ala sma di e teki prati na a skoro musu luku bun taki den no e pasa a ten di den kisi. A heri programa boiti a singi nanga a begi, musu hori na ini 45 miniti.

RAI: 1 miniti. Na a kaba fu den lezing nr. 2, nr. 3, nanga nr. 4, dan a skoro-opziener sa gebroiki wán miniti fu gi rai na den studenti, èn a sa poti prakseri na wan bun sani di a si na ini a fasi fa a lezing ben hori. A skoro-opziener no musu taki nomo dati a studenti hori a lezing bun, ma na presi fu dati a musu poti prakseri na wan tu spesrutu sani di meki taki a lezing ben bun. Te a de fanowdu, dan a skoro-opziener kan gi tra bun rai na den studenti aparti, na a kaba fu a konmakandra noso na wan tra ten.

A BRADA DI E YEPI A SKORO-OPZIENER: Efu a de so taki na ini a gemeente ete wan owruman de di abi ondrofeni, dan a skin fu owruman kan gi a brada disi a frantwortu fu yepi a skoro-opziener. Efu wan tu owruman de na ini a gemeente, dan ibri yari wan tra owruman di abi ondrofeni kan kisi a frantwortu fu yepi a skoro-opziener. Te a de fanowdu, dan a brada disi musu gi rai aparti na den brada di e hori lezing nr. 1 nanga den wan di e hori den edepenti fu a leisipisi fu Bijbel. A no de fanowdu taki a brada di e yepi a skoro-opziener e gi rai na a kaba fu ibriwan fu den lezing disi di tra owruman noso dinari ini a diniwroko e hori.

PENTI NA SAN YU KAN WROKO: Den penti na san yu kan wroko de na ini a leribuku.

TAKIMAKANDRA FU LUKU BAKA SAN WI LERI: 30 miniti. Wán leisi ibri tu mun, a skoro-opziener sa hori a pisi pe a o abi wan takimakandra fu luku baka san wi leri. Bifo a takimakandra disi e hori, dan wan brada sa taki fu wan penti fu leri taki moro bun, èn wan tra brada sa taki fu den edepenti fu a leisipisi fu Bijbel, soleki fa a skrifi na tapusei. Na a takimakandra pe wi o luku baka san wi leri, dan a skoro-opziener sa taki fu den tori di wi ben luku na a skoro na ini den tu mun di pasa èn na ini a wiki dati. Efu a gemeente fu yu abi wan kring konmakandra na ini a wiki te wi o abi a takimakandra fu luku baka san wi leri, dan a pisi disi èn sosrefi a tra pisi fu a schema fu a wiki dati, musu poti na a wiki baka a kring konmakandra. Na ini a wiki fu a kring konmakandra yu kan gebroiki a schema fu a wiki baka dati. Efu a kring-opziener e fisiti a gemeente fu yu na ini a wiki te wi o hori a takimakandra fu luku baka san wi leri, dan a singi, a penti fu leri taki moro bun, nanga na edepenti fu a leisipisi fu Bijbel, kan hori soleki fa a schema e taki. Yu kan hori na instruktielezing, di e hori baka a penti fu leri taki moro bun, fu a wiki baka dati. A Theokrasia Diniwroko-skoro fu a tra wiki sa go doro nanga penti fu leri taki moro bun, èn baka dati edepenti fu a leisipisi fu Bijbel, soleki fa a schema e sori. Baka dati a takimakandra sa hori fu luku baka san wi leri.

SCHEMA

2 Yan. Leisipisi fu Bijbel: 2 Kroniki 29-32 Singi 91

Penti fu leri taki moro bun: Kisi wini dorodoro fu a Theokrasia Diniwroko-skoro (be blz. 5 par. 1–blz. 8 par. 1)

Nr. 1: Prisiri nanga Gado Wortu (be blz. 9 par. 1-5)

Nr. 2: 2 Kroniki 30:1-12

Nr. 3: Fu san ede tru Kresten no e taki dotitaki

Nr. 4: Fa sondu abi krakti tapu a banti di wi abi nanga Gado? (rs-O blz. 438 par. 1-4)

9 Yan. Leisipisi fu Bijbel: 2 Kroniki 33-36 Singi 144

Penti fu leri taki moro bun: Leisi soifri (be blz. 83 par. 1-5)

Nr. 1: Fu san ede wi kan kisi wini fu a buku 2 Kroniki (si-O blz. 84 par. 34-36)

Nr. 2: 2 Kroniki 34:1-11

Nr. 3: San Bijbel e taki fu a sili (rs-O blz. 430 par. 3–blz. 431 par. 3)

Nr. 4: Noiti no syen fu tyari yusrefi akruderi Bijbel markitiki

16 Yan. Leisipisi fu Bijbel: Esra 1-5 Singi 137

Penti fu leri taki moro bun: Fa fu leisi soifri (be blz. 84 par. 1–blz. 85 par. 3)

Nr. 1: Inleiding fu a buku Esra (si-O blz. 85 par. 1-7)

Nr. 2: Esra 1:1-11

Nr. 3: Den wini di wan sma e kisi te a abi wan krin konsensi

Nr. 4: Meti na sili (rs-O blz. 431 par. 4–blz. 432 par. 3)

23 Yan. Leisipisi fu Bijbel: Esra 6-10 Singi 106

Penti fu leri taki moro bun: Taki den wortu krin (be blz. 86 par. 1-6)

Nr. 1: Fu san ede wi kan kisi wini fu a buku Esra (si-O blz. 87 par. 14-18)

Nr. 2: Esra 6:1-12

Nr. 3: A sili nanga a yeye no e libi go doro te wan sma dede (rs-O blz. 432 par. 4–blz. 434 par. 5

Nr. 4: aA fasi fa Gado e si a trowlibi

30 Yan. Leisipisi fu Bijbel: Nehemia 1-4 Singi 161

Penti fu leri taki moro bun: Fa fu taki krin (be blz. 87 par. 1–blz. 88 par. 3)

Nr. 1: Inleiding fu a buku Nehemia (si-O blz. 88 par. 1-5)

Nr. 2: Nehemia 2:1-10

Nr. 3: A moro prenspari dyaranti di wi abi taki sani sa waka bun gi wi

Nr. 4: San na a santa yeye? (rs-O blz. 156 par. 1–blz. 157 par. 1)

6 Feb. Leisipisi fu Bijbel: Nehemia 5-8 Singi 40

Penti fu leri taki moro bun: Taki den wortu soifri leki fa yu musu taki den​—Sani fu hori na prakseri (be blz. 89 par. 1–blz. 90 par. 3)

Nr. 1: Leisi Bijbel ibri dei (be blz. 10 par. 1–blz. 12 par. 3)

Nr. 2: Nehemia 5:1-13

Nr. 3: San e buweisi taki wan sma abi santa yeye na en tapu (rs-O blz. 157 par. 3–blz. 158 par. 1)

Nr. 4: „Kibri yu ati” (Odo 4:23)

13 Feb. Leisipisi fu Bijbel: Nehemia 9-11 Singi 159

Penti fu leri taki moro bun: Fa fu taki den wortu soifri leki fa den musu taki (be blz. 90 par. 4–blz. 92)

Nr. 1: Wi musu leri fu abi vrede na presi fu feti orloku (w04 1/1 blz. 6 par. 8–blz. 7 par. 6)

Nr. 2: Nehemia 10:28-37

Nr. 3: Sortu buweisi wi abi taki Yehovah lobi wi?

Nr. 4: Wan yeye no de na ini libisma skin di e libi go doro te a sma dede (rs-O blz. 158 par. 5–blz. 159 par. 2)

20 Feb. Leisipisi fu Bijbel: Nehemia 12, 13 Singi 118

Penti fu leri taki moro bun: Taki grati (be blz. 93 par. 1–blz. 94 par. 3)

Nr. 1: Fu san ede wi kan kisi wini fu a buku Nehemia (si-O blz. 90, 91 par. 16-19)

Nr. 2: Nehemia 13:1-14

Nr. 3: Fu san ede wi no man taki nanga dedewan (rs-O blz. 392 par. 1-5)

Nr. 4: bKresten no musu prei video game di e sori ogridu

27 Feb. Leisipisi fu Bijbel: Ester 1-5 Singi 215

Penti fu leri taki moro bun: Fa fu du en moro bun fu taki grati (be blz. 94 par. 4–blz. 96 par. 3, boiti a faki na tapu blz. 95)

Takimakandra fu luku baka san wi leri

6 Mrt. Leisipisi fu Bijbel: Ester 6-10 Singi 74

Penti fu leri taki moro bun: Sani di yu kan du fu no gagu moro (be blz. 95, a faki)

Nr. 1: Inleiding fu a buku Ester, èn fu san ede wi kan kisi wini fu a buku disi (si-O blz. 91-94 par. 1-6, 16-18)

Nr. 2: Ester 6:1-10

Nr. 3: Wan safri piki e kowru atibron

Nr. 4: Fu san ede tru Kresten no abi noti fu du nanga nowan afkodreiwroko (rs-O blz. 393 par. 1–blz. 394 par. 6)

13 Mrt. Leisipisi fu Bijbel: Yob 1-5 Singi 160

Penti fu leri taki moro bun: Wakti pikinso bifo yu e taki go doro te yu e si den skrifimarki èn te yu wani abra go na wan tra prakseri (be blz. 97 par. 1–blz. 98 par. 5)

Nr. 1: Inleiding fu a buku Yob (si-O blz. 95, 96 par. 1-6)

Nr. 2: Yob 2:1-13

Nr. 3: No abi a winsi fu kon sabi sani di abi fu du nanga a krakti fu ogri yeye (rs-O blz. 394 par. 7–blz. 396 par. 1)

Nr. 4: Fu san ede tru Kresten e luku bun taki den no e krutukrutu

20 Mrt. Leisipisi fu Bijbel: Yob 6-10 Singi 214

Penti fu leri taki moro bun: Wakti pikinso bifo yu e taki go doro, fu poti krakti tapu wan sani èn fu arki (be blz. 99 par. 1–blz. 100 par. 4)

Nr. 1: Gudu na yeye fasi moro bun (w04 15/10 blz. 4 par. 2–blz. 5 par. 3)

Nr. 2: Yob 7:1-21

Nr. 3: San a wani taki fu abi wan krin ati

Nr. 4: Fa fu komoto ondro a makti fu ogri yeye (rs-O blz. 396 par. 2–blz. 397 par. 1)

27 Mrt. Leisipisi fu Bijbel: Yob 11-15 Singi 8

Penti fu leri taki moro bun: Poti krakti tapu den yoisti wortu (be blz. 101 par. 1–blz. 102 par. 4)

Nr. 1: „Poti prakseri na a fasi fa yu e arki” (be blz. 13 par. 1–blz. 14 par. 4)

Nr. 2: Yob 12:1-25

Nr. 3: Luku bun fu no libi na wan fasi di e sori taki wi no wani a tiri fu Gado (rs-O blz. 160 par. 3–blz. 161 par. 2)

Nr. 4: Fu san ede a diniwroko e gi wi prisiri

3 Apr. Leisipisi fu Bijbel: Yob 16-20 Singi 50

Penti fu leri taki moro bun: Fa fu poti krakti moro bun tapu den yoisti wortu (be blz. 102 par. 5–blz. 104 par. 4)

Nr. 1: Fa wi e sori taki wi lobi Gado (w04 1/3 blz. 19-21)

Nr. 2: Yob 16:1-22

Nr. 3: Fa Yehovah e hari sma fu anbegi en

Nr. 4: cDen takru bakapisi di wi kan kisi te wi abi heimemre èn te wi e opo wisrefi teige tirimakti (rs-O blz. 161 par. 3–blz. 162 par. 1)

10 Apr. Leisipisi fu Bijbel: Yob 21-27 Singi 119

Penti fu leri taki moro bun: Poti krakti tapu den moro prenspari sani (be blz. 105 par. 1–blz. 106 par. 2)

Nr. 1: Gudu na yeye fasi e tyari wini kon (w04 15/10 blz. 5 par. 4–blz. 7 par. 2)

Nr. 2: Yob 24:1-20

Nr. 3: Yehovah e gi krakti di bigi pasa marki

Nr. 4: dLuku bun nanga den lostu fu a skin (rs-O blz. 162 par. 2)

17 Apr. Leisipisi fu Bijbel: Yob 28-32 Singi 100

Penti fu leri taki moro bun: Taki tranga nofo so taki den arkiman man yere yu (be blz. 107 par. 1–blz. 108 par. 5)

Nr. 1: Arki na den konmakandra èn na den bigi konmakandra (be blz. 15 par. 1–blz. 16 par. 5)

Nr. 2: Yob 29:1-25

Nr. 3: Yu no musu angri fu abi ala sani di yu ai e si (rs-O blz. 162 par. 3–blz. 163 par. 1)

Nr. 4: Fu san ede furu sma ben fruwondru fu a fasi fa Yesus ben gi leri

24 Apr. Leisipisi fu Bijbel: Yob 33-37 Singi 94

Penti fu leri taki moro bun: San yu kan du fu man taki moro tranga (be blz. 108 par. 6–blz. 110 par. 2)

Takimakandra fu luku baka san wi leri

1 Mei Leisipisi fu Bijbel: Yob 38-42 Singi 154

Penti fu leri taki moro bun: Kenki yu sten​—Luku o tranga yu musu taki (be blz. 111 par. 1–blz. 112 par. 2)

Nr. 1: Fu san ede wi kan kisi wini fu a buku Yob (si-O blz. 100 par. 39-43)

Nr. 2: Yob 38:1-24

Nr. 3: Fa Yesaya 60:22 e kon tru na ini a ten disi?

Nr. 4: eDotitaki nanga na ogri di sma e du nanga tranga, na sani di sondu libisma e du (rs-O blz. 163 par. 2)

8 Mei Leisipisi fu Bijbel: Psalm 1-10 Singi 168

Penti fu leri taki moro bun: Kenki yu sten​—Taki moro gaw noso taki moro slow (be blz. 112 par. 3–blz. 113 par. 1)

Nr. 1: Inleiding fu a buku Psalm​—Pisi 1 (si-O blz. 101 par. 1-5)

Nr. 2: Psalm 4:1–5:12

Nr. 3: Frutrow tapu Gado, no frutrow tapu libisma (rs-O blz. 163 par. 3, 4)

Nr. 4: Tan hori yusrefi na den bun sani di yu ben leri

15 Mei Leisipisi fu Bijbel: Psalm 11-18 Singi 217

Penti fu leri taki moro bun: Kenki yu sten​—Taki nanga wan pikinso moro hebi sten, noso wan pikinso moro fini sten (be blz. 113 par. 2–blz. 114 par. 3)

Nr. 1: Inleiding fu a buku Psalm​—Pisi 2 (si-O blz. 102 par. 6-11)

Nr. 2: Psalm 14:1–16:6

Nr. 3: Na sortu fasi tru Kresten no de wan pisi fu grontapu?

Nr. 4: Suma e meki taki libisma e pina? (rs-O blz. 269 par. 2–blz. 270 par. 1)

22 Mei Leisipisi fu Bijbel: Psalm 19-25 Singi 23

Penti fu leri taki moro bun: Taki nanga firi (be blz. 115 par. 1–blz. 116 par. 4)

Nr. 1: A koni fu si sani krin e tyari wini kon (w04 15/7 blz. 27 par. 4–blz. 28 par. 4)

Nr. 2: Psalm 22:1-22

Nr. 3: Fa a du kon taki libisma bigin pina? (rs-O blz. 270 par. 2, 3)

Nr. 4: fSan na den frumane fu Gado, èn fu san ede wi musu poti prakseri na den?

29 Mei Leisipisi fu Bijbel: Psalm 26-33 Singi 203

Penti fu leri taki moro bun: Taki nanga faya te dati fiti na a tori fu yu (be blz. 116 par. 5–blz. 117 par. 3)

Nr. 1: San yu kan du fu memre sani moro bun (be blz. 17 par. 1–blz. 19 par. 1)

Nr. 2: Psalm 30:1–31:8

Nr. 3: Na sortu fasi a waarheid e meki wan sma kon fri?

Nr. 4: San wi kan du fu no ondrofeni so furu pina (rs-O blz. 271 par. 1, 2)

5 Yun. Leisipisi fu Bijbel: Psalm 34-37 Singi 167

Penti fu leri taki moro bun: Sori switifasi (be blz. 118 par. 1–blz. 119 par. 4)

Nr. 1: A krakti fu begi (w04 15/8 blz. 18 par. 6–blz. 19 par. 10)

Nr. 2: Psalm 34:1-22

Nr. 3: Fu san ede wan Gado fu lobi gi pasi taki pina de so langa (rs-O blz. 271 par. 4)

Nr. 4: Gi sortu fasi fu afkodrei wi musu lowe gowe?

12 Yun. Leisipisi fu Bijbel: Psalm 38-44 Singi 216

Penti fu leri taki moro bun: Sori firi (be blz. 119 par. 5–blz. 120 par. 4)

Nr. 1: Fa Gado santa yeye e yepi wi fu memre sani (be blz. 19 par. 2–blz. 20 par. 3)

Nr. 2: Psalm 40:1-17

Nr. 3: Den tru tori di sabidensi tyari kon na krin no de kontrari Bijbel

Nr. 4: Gado sa puru ala pina di den futuboi fu en e ondrofeni (rs-O blz. 272 par. 1-4)

19 Yun. Leisipisi fu Bijbel: Psalm 45-51 Singi 104

Penti fu leri taki moro bun: A de prenspari fu gebroiki yu fesi nanga yu heri skin te yu e taki (be blz. 121 par. 1-4)

Nr. 1: O ten Yesus e kon? (w04 1/3 blz. 16, a faki)

Nr. 2: Psalm 46:1–47:9

Nr. 3: Fu san ede Gado no gi Adam pardon gi a sondu di a du? (rs-O blz. 272 par. 5–blz. 273 par. 1)

Nr. 4: Fa wan Kresten kan tranga aladi a swaki? (2 Kor. 12:10)

26 Yun. Leisipisi fu Bijbel: Psalm 52-59 Singi 103

Penti fu leri taki moro bun: Gebroiki yu fesi nanga yu heri skin te yu e taki (be blz. 122 par. 1–blz. 123 par. 4)

Takimakandra fu luku baka san wi leri

3 Yul. Leisipisi fu Bijbel: Psalm 60-68 Singi 45

Penti fu leri taki moro bun: Luku den arkiman te yu e taki na ini a preikiwroko (be blz. 124 par. 1–blz. 125 par. 4)

Nr. 1: San a sakafasi fu Yehovah wani taki gi wi (w04 1/11 blz. 29, 30)

Nr. 2: Psalm 60:1–61:8

Nr. 3: A de so taki, te wi e teki prati na a Kresten diniwroko, wi no abi fu hori wisrefi na den wet fu Gado?

Nr. 4: Gado no e meki taki sma e siki na skin fasi èn na frustan sei (rs-O blz. 273 par. 2-4)

10 Yul. Leisipisi fu Bijbel: Psalm 69-73 Singi 225

Penti fu leri taki moro bun: Luku den arkiman te yu e hori wan lezing (be blz. 125 par. 5–blz. 127 par. 1)

Nr. 1: Fu san ede yu musu du muiti fu leisi? (be blz. 21 par. 1–blz. 23 par. 3)

Nr. 2: Psalm 71:1-18

Nr. 3: Na wan lobi-ati fasi Yehovah e meki pikin-nengre kisi wini tu fu a frulusu-ofrandi fu Krestes (rs-O blz. 273 par. 5)

Nr. 4: gFu san ede Kresten no musu lobi a wan sma moro a trawan

17 Yul. Leisipisi fu Bijbel: Psalm 74-78 Singi 28

Penti fu leri taki moro bun: Du soleki fa yu gwenti du, te yu de na ini a preikiwroko (be blz. 128 par. 1–blz. 129 par. 1)

Nr. 1: Yu musu sabi bun fu san ede yu e leisi (be blz. 23 par. 4–blz. 26 par. 5)

Nr. 2: Psalm 75:1–76:12

Nr. 3: San a wani taki fu suku Yehovah? (Sef. 2:3)

Nr. 4: Gado no e gebroiki rampu di e pasa na ini a naturu fu strafu libisma (rs-O blz. 274 par. 1-3)

24 Yul. Leisipisi fu Bijbel: Psalm 79-86 Singi 112

Penti fu leri taki moro bun: Du soleki fa yu gwenti du te yu de na tapu a podium (be blz. 129 par. 2–blz. 130 par. 1)

Nr. 1: „Sani sa go heri bun na ini a tenti fu den opregtiwan” (w04 15/11 blz. 26 par. 1–blz. 28 par. 2)

Nr. 2: Psalm 82:1–83:18

Nr. 3: Te wan sma e pina, dan a no musu denki taki dati na wan buweisi taki Gado no feni en bun (rs-O blz.  275 par. 1, 2)

Nr. 4: A de so taki sondu libisma man plisi Gado trutru?

31 Yul. Leisipisi fu Bijbel: Psalm 87-91 Singi 57

Penti fu leri taki moro bun: Du soleki fa yu gwenti du, te yu e leisi na fesi sma (be blz. 130 par. 2-4)

Nr. 1: Te „sabi na wan makriki sani” èn te koni e tiri wi (w04 15/11 blz. 28 par. 3–blz. 29 par. 7)

Nr. 2: Psalm 89:1-21

Nr. 3: Wan pisi fu wi anbegi na fu studeri Bijbel

Nr. 4: Te wan sma abi gudu, dan dati a no wan buweisi di e sori taki Gado e blesi en (rs-O blz. 275 par. 3, 4)

7 Aug. Leisipisi fu Bijbel: Psalm 92-101 Singi 190

Penti fu leri taki moro bun: Te wi de krin dan dati e moi a boskopu (be blz. 131 par. 1-3)

Nr. 1: Fa fu studeri (be blz. 27 par. 1–blz. 31 par. 2)

Nr. 2: Psalm 92:1–93:5

Nr. 3: A de so taki, te wan sma e taki na ini tra tongo, a yeye fu Gado de na en tapu? (rs-O blz. 397 par. 2–blz. 398 par. 1)

Nr. 4: A de prenspari fu hori wi soifri retifasi

14 Aug. Leisipisi fu Bijbel: Psalm 102-105 Singi 1

Penti fu leri taki moro bun: Te wi e du sani na wan lespeki fasi èn nanga krin frustan, dan dati o abi krakti tapu a fasi fa wi e weri krosi èn e moi wisrefi (be blz. 131 par. 4–blz. 132 par. 2)

Nr. 1: „Den wroko fu yu furu srefisrefi, o Yehovah!” (w04 15/11 blz. 8, 9)

Nr. 2: Psalm 104:1-24

Nr. 3: Fu san ede wi musu tan na ai

Nr. 4: San na a difrenti na mindri a taki di sma e taki na ini tra tongo na ini a ten disi èn na ini a ten fu den fosi yarihondro Kresten? (rs-O blz. 398 par. 2-5)

21 Aug. Leisipisi fu Bijbel: Psalm 106-109 Singi 201

Penti fu leri taki moro bun: A de prenspari fu weri krosi di fiti (be blz. 132 par. 3-5)

Nr. 1: Yonguwan​—No go du san tra yonguwan e du sondro fu denki fosi (w04 15/10 blz. 22 par. 4–blz. 24 par. 5)

Nr. 2: Psalm 107:20-43

Nr. 3: A Wortu fu Gado e yepi wi fu taki-go-taki-kon nanga sma di e feni taki den abi a yeye fu Gado (rs-O blz. 399 par. 1-4)

Nr. 4: Na sortu fasi wi kan de neleki Gado?

28 Aug. Leisipisi fu Bijbel: Psalm 110-118 Singi 125

Penti fu leri taki moro bun: Te wi e pristeri wisrefi bun, dan dati no sa meki sma naki futu (be blz. 133 par. 1-3)

Takimakandra fu luku baka san wi leri

4 Sep. Leisipisi fu Bijbel: Psalm 119 Singi 59

Penti fu leri taki moro bun: Luku fa yu e tanapu èn gebroiki krin sani (be blz. 133 par. 4–blz. 134 par. 4)

Nr. 1: Te yu e studeri, yu sa kisi winimarki (be blz. 31 par. 3–blz. 32 par. 3)

Nr. 2: Psalm 119:25-48

Nr. 3: Fu san ede wi e sori lespeki gi grontapu tirimakti

Nr. 4: Te sma e taki na ini tra tongo na ini a ten disi, dan dati no wani taki dati den na tru Kresten (rs-O blz. 399 par. 5-7)

11 Sep. Leisipisi fu Bijbel: Psalm 120-134 Singi 65

Penti fu leri taki moro bun: Fa fu taki sondro fu senwe-senwe (be blz. 135 par. 1–blz. 137 par. 2)

Nr. 1: Fa fu ondrosuku sani moro fini (be blz. 33 par. 1-blz. 35 par. 2)

Nr. 2: Psalm 121:1–123:4

Nr. 3: O langa sma ben o kisi a presenti fu taki na ini tra tongo? (rs-O blz. 400 par. 1, 2)

Nr. 4: Fa Yesus ben gebroiki agersitori fu sani di no kan kwetikweti?

18 Sep. Leisipisi fu Bijbel: Psalm 135-141 Singi 97

Penti fu leri taki moro bun: Fa fu dwengi yu firi (be blz. 137 par. 3–blz. 138 par. 5)

Nr. 1: Fu san ede wi kan kisi wini fu a buku Psalm​—Pisi 1 (si-O blz. 104, 105 par. 23-27)

Nr. 2: Psalm 136:1-26

Nr. 3: Na sortu fasi a Memrefesa na wan fesa pe sma e nyan nanga makandra?

Nr. 4: hA leri fu a Dri-wánfasi no de akruderi Bijbel (rs-O blz. 100 par. 1–blz. 106 par. 1)

25 Sep. Leisipisi fu Bijbel: Psalm 142-150 Singi 5

Penti fu leri taki moro bun: A de prenspari fu gebroiki wan mikrofon fu yere sani moro bun (be blz. 139 par. 1–blz. 140 par. 1)

Nr. 1: Fu san ede wi kan kisi wini fu a buku Psalm​—Pisi 2 (si-O blz. 105, 106 par. 28-32)

Nr. 2: Psalm 142:1–143:12

Nr. 3: iTe wan sma e aksi: ’Yu e bribi na ini a Dri-wánfasi?’ (rs-O blz. 120 par. 1–blz. 121 par. 2)

Nr. 4: Na sortu fasi wi kan sori taki wi e broko wi ede nanga san trawan abi fanowdu?

2 Okt. Leisipisi fu Bijbel: Odo 1-6 Singi 111

Penti fu leri taki moro bun: Gebroiki a mikrofon na a yoisti fasi (be blz. 140 par. 2–blz. 142 par. 1)

Nr. 1: Inleiding fu a buku Odo​—Pisi 1 (si-O blz. 106, 107 par. 1-5)

Nr. 2: Odo 5:1-23

Nr. 3: Fu san ede so furu ogridu de? (rs-O blz. 179 par. 2-5)

Nr. 4: jNo panya leitori(2 Tim. 4:4)

9 Okt. Leisipisi fu Bijbel: Odo 7-11 Singi 73

Penti fu leri taki moro bun: Gebroiki Bijbel fu piki wan sma (be blz. 143 par. 1-3)

Nr. 1: Inleiding fu a buku Odo​—Pisi 2 (si-O blz. 107, 108 par. 6-11)

Nr. 2: Odo 7:1-27

Nr. 3: Fu di wi leki Kresten no e teki sei, meki taki wi de na ini wánfasi nanga ala wi brada

Nr. 4: Fu san ede Gado e gi pasi taki ogridu de? (rs-O blz. 180 par. 1–blz. 181 par. 2)

16 Okt. Leisipisi fu Bijbel: Odo 12-16 Singi 180

Penti fu leri taki moro bun: Fa fu gebroiki Bijbel moro bun (be blz. 144 par. 1-4)

Nr. 1: Leri fu gebroiki tra wrokosani fu ondrosuku sani moro fini (be blz. 35 par. 3–blz. 38 par. 4)

Nr. 2: Odo 14:1-21

Nr. 3: Sortu wini wi kisi fu di Gado gi pasi taki ogridu de? (rs blz. 182 par. 1, 2)

Nr. 4: San kan yepi wi fu poti ala wi prakseri na den konmakandra?

23 Okt. Leisipisi fu Bijbel: Odo 17-21 Singi 131

Penti fu leri taki moro bun: Gi sma deki-ati fu gebroiki Bijbel (be blz. 145, 146)

Nr. 1: Fu san ede wi kan kisi wini fu a buku Odo​—Pisi 1 (si-O blz. 109, 110 par. 19-28)

Nr. 2: Odo 17:1-20

Nr. 3: Fa Kresten e prakseri fu owrusma

Nr. 4: kFa Bijbel wani wi fu prakseri fu umasma? (rs-O blz. 414 par. 1, 2)

30 Okt. Leisipisi fu Bijbel: Odo 22-26 Singi 9

Penti fu leri taki moro bun: A de prenspari fu luku san yu kan taki fosi yu kari wan tekst (be blz. 147 par. 1–blz. 148 par. 2)

Takimakandra fu luku baka san wi leri

6 Nov. Leisipisi fu Bijbel: Odo 27-31 Singi 51

Penti fu leri taki moro bun: Suku fu taki den yoisti sani fosi yu kari wan tekst (be blz. 148 par. 3–blz. 149 par. 2)

Nr. 1: Fu san ede wi kan kisi wini fu a buku Odo​—Pisi 2 (si-O blz. 110, 111 par. 29-38)

Nr. 2: Odo 28:1-18

Nr. 3: A de so taki na fu di man-nengre abi na edeman-wroko, meki taki umasma lagi? (rs-O blz. 414 par. 3–blz. 415 par. 2)

Nr. 4: Fu san ede a fasi fa wan sma tan no musu meki wi krutu en na ini a preikiwroko

13 Nov. Leisipisi fu Bijbel: Preikiman 1-6 Singi 25

Penti fu leri taki moro bun: Poti krakti tapu den yoisti wortu, ma du dati nanga firi (be blz. 150 par. 1, 2)

Nr. 1: Inleiding fu a buku Preikiman (si blz. 112, 113 par. 1-8)

Nr. 2: Preikiman 5:1-15

Nr. 3: Fa den tru tori fu Bijbel kibri gi den koniwan èn gi den sma di abi frustan? (Mat. 11:25)

Nr. 4: Umasma mag teki fesi na ini a gemeente? (rs-O blz. 415 par. 3–blz. 416 par. 1)

20 Nov. Leisipisi fu Bijbel: Preikiman 7-12 Singi 37

Penti fu leri taki moro bun: Poti krakti tapu den yoisti wortu (be blz. 150 par. 3–blz. 151 par. 2)

Nr. 1: Fu san ede wi kan kisi wini fu a buku Preikiman (si-O blz. 114 par. 15-19)

Nr. 2: Preikiman 9:1-12

Nr. 3: Fu san ede Kresten uma e poti wan sani na tapu den ede na son okasi? (rs-O blz. 416 par. 2–blz. 417 par. 1)

Nr. 4: San fowtu na a dyarusu di sma e dyarusu?

27 Nov. Leisipisi fu Bijbel: Singi fu Salomo 1-8 Singi 11

Penti fu leri taki moro bun: Fasi fa yu kan poti krakti tapu wortu (be blz. 151 par. 3–blz. 152 par. 5)

Nr. 1: Inleiding fu a buku Singi fu Salomo èn fu san ede wi kan kisi wini fu a buku disi (si-O blz. 115-117 par. 1-4, 16-18)

Nr. 2: Singi fu Salomo 7:1–8:4

Nr. 3: Fu san ede Kresten musu weri krosi di fiti èn di krin?

Nr. 4: A fiti taki umasma e poti sani na den skin fu moi densrefi èn taki den e weri gowtu sani? (rs-O blz. 418 par. 1-3)

4 Dec. Leisipisi fu Bijbel: Yesaya 1-5 Singi 90

Penti fu leri taki moro bun: Gebroiki bijbeltekst soifri (be blz. 153 par. 1–blz. 154 par. 3)

Nr. 1: Inleiding fu a buku Yesaya (si-O blz. 118, 119 par. 1-8)

Nr. 2: Yesaya 3:1-15

Nr. 3: Grontapu sa kisi pori nanga faya? (rs-O blz. 427 par. 2, 3)

Nr. 4: lFu san ede Kresten „no musu atibron esi-esi” (Yak. 1:19)

11 Dec. Leisipisi fu Bijbel: Yesaya 6-10 Singi 204

Penti fu leri taki moro bun: Sori sma krin fa yu gebroiki a tekst (be blz. 154 par. 4–blz. 155 par. 3)

Nr. 1: Meki wan schema (be blz. 39-42)

Nr. 2: Yesaya 10:1-14

Nr. 3: Fu san ede a de so prenspari taki wi man gi trawan pardon?

Nr. 4: Suma e tiri a grontapu disi​—Gado noso Satan? (rs-O blz. 428 par. 1-4)

18 Dec. Leisipisi fu Bijbel: Yesaya 11-16 Singi 47

Penti fu leri taki moro bun: Taki-go-taki-kon nanga sma fu den Buku fu Bijbel (be blz. 155 par. 4–blz. 156 par. 4)

Nr. 1: Yonguwan​—Meki yu papa nanga yu mama yepi yu fu kibri yu ati (w04 15/10 blz. 20 par. 1–blz. 22 par. 3)

Nr. 2: Yesaya 11:1-12

Nr. 3: Fa tru Kresten e prakseri fu a grontapu nanga den sma di de wan pisi fu grontapu? (rs-O blz. 429 par. 1–blz. 430 par. 1)

Nr. 4: Tru Kresten no sa teki prati na a feti fu Armagedon

25 Dec. Leisipisi fu Bijbel: Yesaya 17-23 Singi 53

Penti fu leri taki moro bun: Sori sma fa den kan kisi wini fu den sani di yu e taki (be blz. 157 par. 1–blz. 158 par. 1)

Takimakandra fu luku baka san wi leri

[Futuwortu]