Schema gi a Diniwroko Konmakandra

Wiki di e bigin 12 december

Singi 32

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den rai na tapu bladzijde 8 fu hori demonstrâsi di e sori fa fu pristeri A Waktitoren fu 15 november nanga na Ontwaakt! fu 22 november. Baka ibri pristeri, yu kan taki o makriki a de fu gebroiki wan bijbeltekst na ini a pristeri.

15 min: „Wan skoro di e yepi wi na ini a libi”. Wan lezing di a skoro-opziener sa hori. Taki fu na inlegvel fu Wi Kownukondre diniwroko fu oktober 2005.

20 min: „Leri di e meki sma kisi têgo libi”.a Seti sani na fesi, so taki wán noso tu preikiman fruteri fa den kisi wini fu a leri di e komoto fu Gado.

Singi 101 nanga lasti begi.

Wiki di e bigin 19 december

Singi 160

5 min: Wan tu sani fu a gemeente. Taki syatu fu den spesrutu preikiwroko konmakandra di seti gi 25 nanga 26 december èn 1 yanuari.

15 min: „Sori taki yu e broko yu ede nanga trawan​—Fu di yu e fiti yusrefi na den.”b Hori wan syatu demonstrâsi di e sori fa wan preikiman e fiti den sani di a taki na den sani di a ososma e taki.

25 min: „Yu pikin man teki wan seryusu bosroiti?”c Wan owruman sa hori disi. Meki wan brada di e leisi bun, leisi ibri paragraaf. Taki fu ala den bijbeltekst di kari. Baka te yu taki fu paragraaf 2, sori san na a difrenti na mindri den tu yonguwan di kari na ini paragraaf 16 nanga 17 èn na ini a faki na tapu bladzijde 16 nanga 17 na ini a Waktitoren fu 15 yuni 1991. Na a kaba, gi den papa nanga mama a deki-ati fu luku a heri artikel na ini A Waktitoren baka èn fu wantewante abi wan takimakandra èn oefen nanga den pikin fu den, so taki den kan opo taki gi densrefi nanga faya fu a komando di abi fu du nanga brudu soleki fa Bijbel e taki. Famiri-edeman musu sorgu taki ibri pikin di dopu kaba abi wan Wilsverklaring-karta èn taki ibri pikin di no dopu ete abi wan Identiteit-karta. Te wan sma musu go didon na ati-oso, èn brudu transfusie na wan problema, dan den owruman musu kontakti na Ati-oso Kontakti Komte fu kisi yepi.

Singi 56 nanga lasti begi.

Wiki di e bigin 26 december

Singi 85

10 min: Wan tu sani fu gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Efu a gemeente fu unu sa kenki a ten fu den konmakandra na ini a nyun yari, dan yu kan meki den sma kon sabi den nyun ten. Kari den sani di wi sa pristeri na ini yanuari, èn sori pe wi kan feni eksempre fa fu pristeri den.

15 min: Sani di a gemeente abi fanowdu.

20 min: „Wan video di e poti prakseri na prenspari datrayepi di moro nanga moro sma wani.” Leisi Tori fu den Apostel 15:28, 29, èn sori syatu taki a moro prenspari reide fu san ede Kresten e weigri fu teki brudu, na taki den e gi yesi na a wet fu Gado di abi fu du nanga a santafasi fu brudu. Baka dati, bigin wantewante nanga a takimakandra fu a video De behoeften en rechten van de patiënt (Den sani di wan siki sma abi fanowdu èn den reti fu en), èn gebroiki den aksi di skrifi na ini na artikel. Tapu a takimakandra nanga a leisi di yu e leisi a lasti paragraaf.

Singi 222 nanga lasti begi.

Wiki di e bigin 2 yanuari

Singi 5

Hori na prakseri: Den gemeente no musu skoifi a Diniwroko Konmakandra di den o hori na ini a wiki fu 2 yanuari go na wan dei bifo a ten dati, boiti efu a kring-opziener e fisiti a gemeente a wiki dati. Ala den gemeente musu hori a takimakandra fu a kongres di de na ini na inibere pisi fu Wi Kownukondre diniwroko, soleki fa a schema fu a Diniwroko Konmakandra e sori. Efu wan spesrutu dei konmakandra e hori a wiki disi, dan den bukustudie-opziener musu meki bekènti na den bukustudie pe èn o ten a konmakandra disi e hori.

5 min: Wan tu sani fu a gemeente.

15 min: „Gebroiki den Bijbel publikâsi fu wi na wan koni fasi.”d Taki wan tu sani sosrefi fu Wi Kownukondre diniwroko fu september 2002, bladzijde 1.

25 min: „Distrikt Kongres fu Yehovah Kotoigi 2006.”e A gemeente sekretarsi musu hori a pisi disi. Baka te yu taki fu paragraaf 1, dan taki pe èn o ten a kongres fu a gemeente fu unu sa hori. Gi ala sma a deki-ati fu seti sani gi a kongres so esi leki a kan.

Singi 48 nanga lasti begi.

[Futuwortu]