Schema gi a Diniwroko Konmakandra

Wiki di e bigin 9 yanuari

Singi 10

10 min: Wan tu sani fu a gemeente. Efu a fiti gi a kontren fu yu, dan yu kan gebroiki den rai na tapu bladzijde 8, noso yu kan gebroiki tra fasi fu hori demonstrâsi di e sori fa fu pristeri A Waktitoren fu 15 december nanga na Ontwaakt! fu 22 december. Sori na ini wan fu den demonstrâsi fa wan preikiman e wroko na ini bisnis kontren.

15 min: „A Bijbel leri-buku—A moro prenspari bijbelstudie yepisani fu wi.”a Gi den arkiman deki-ati, so taki den kisi a faya fu bigin bijbelstudie na ini a nyun buku.

20 min: „Fa fu bigin studeri nanga sma na ini a Bijbel leri-buku.” Wan takimakandra nanga den arkiman, di teki puru fu bladzijde 3 fu na inibere pisi. Hori demonstrâsi sosrefi na a pisi disi. Wi kan gebroiki a Bijbel leri-buku wantewante fu bigin bijbelstudie nanga sma di wani sabi moro. Seti sani fu hori dri demonstrâsi di sreka bun na fesi, èn di e sori fa fu gebroiki (1) bladzijde 4, 5, (2) bladzijde 6, nanga (3) a fosi paragraaf na tapu bladzijde 7 fu bigin wan bijbelstudie te wi e tyari wan gobaka. Taki fu wan tu prenspari sani di o kon na fesi na ini ibriwan fu den demonstrâsi, èn baka te a demonstrâsi hori yu musu taki fu den sani dati. Efu a de fanowdu, dan yu kan taki wan tu sani nomo fu den paragraaf fu a Bijbel leri-buku. Sori na a kaba fu ibri demonstrâsi fa a preikiman e seti sani fu go baka na a sma wan tra leisi.

Singi 125 nanga lasti begi.

Wiki di e bigin 16 yanuari

Singi 178

10 min: Wan tu sani fu a gemeente. Wan tu sani di teki puru fu Wi Kownukondre diniwroko.

15 min: Wi orga fu du a wani fu Yehovah. Lezing èn takimakandra nanga den arkiman di teki puru fu bladzijde 4-7 fu a buku Wi orga fu du a wani fu Yehovah. Baka te yu taki wan tu sani na a bigin di no e teki moro langa leki dri miniti, èn di teki puru fu bladzijde 4, dan hori wan takimakandra fu bladzijde 5 te go miti na ondro-edeprakseri na tapu bladzijde 7. Na tra diniwroko konmakandra di e kon, wi sa taki fu tra pisi fu a Wi orga-buku.

20 min: „Yongusma di e skèin leti”.b Aksi yonguwan fu fruteri fa den ben man gi kotoigi na skoro. Yu kan seti sani na fesi, so taki wán noso tu yonguwan fruteri fa den ben du dati.

Singi 107 nanga lasti begi.

Wiki di e bigin 23 yanuari

Singi 60

10 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan yu kan gebroiki den rai na tapu bladzijde 8, noso yu kan gebroiki tra rai tu fu hori demonstrâsi di e sori fa fu pristeri A Waktitoren fu 1 yanuari nanga na Ontwaakt! fu yanuari. Meki wan yonguwan hori wan fu den demonstrâsi disi. Memre ala sma fu tyari na Ontwaakt! fu yanuari 2006 na a Diniwroko konmakandra fu a wiki di e kon.

15 min: Sani di a gemeente abi fanowdu.

20 min: „Sori taki yu e broko yu ede nanga trawan — Fu di yu e poti aksi èn e arki den”.c Te yu e taki fu paragraaf 2, dan aksi den arkiman san na den moro bun aksi di den gebroiki fu bigin wan takimakandra. Sori na ini wan demonstrâsi fa yu kan kon sabi fa sma e denki, fu di yu e poti aksi di fiti èn fu di yu e arki bun san den e taki.

Singi 205 nanga lasti begi.

Wiki di e bigin 30 yanuari

Singi 197

10 min: Wan tu sani fu a gemeente. Memre den preikiman fu gi den preikiwroko raportu fu a mun yanuari. Taki fu den sani di wi sa pristeri na ini februari, èn hori wan demonstrâsi di e sori fa wi kan du dati.

15 min: Sani seti na wan lobi-ati fasi so taki wi e kisi wini. Wan owruman musu hori a lezing disi. Leisi èn taki fu a brifi fu 3 yanuari 2006, di a bijkantoro seni gi ala gemeente, èn di e taki fa wi kan kisi wini fu den seti fu na Ati-oso Kontakti Komte (AKK), èn a Fisiti Grupu gi Sikisma (FGS).

20 min: Nyun sani na ini Ontwaakt! Lezing èn takimakandra nanga den arkiman. Taki fu den sani di kenki na ini Ontwaakt!, èn di ben meki bekènti na ini a Wi Kownukondre diniwroko fu maart 2005, bladzijde 1, paragraaf 5 nanga 6. Taki sosrefi fu a faki „Voor onze lezers” na ini na Ontwaakt! fu yanuari 2006, bladzijde 3 nanga 4. Gi eksempre di e sori fa a tijdschrift e sori den leisiman san skrifi na ini Bijbel. Aksi den arkiman fu taki fa den e feni a nyun sani di skrifi na tapu bladzijde 31. Wi sa tan pristeri A Waktitoren makandra nanga Ontwaakt! te wi e go a fosi leisi na sma. Ma wi kan frustan taki wi sa prati wán Ontwaakt! nomo gi sma di e teki den tijdschrift doronomo.

Singi 45 nanga lasti begi.

Wiki di e bigin 6 februari

Singi 74

10 min: Wan tu sani fu a gemeente.

25 min: Kon sabi a nyun yepisani fu gi leri. Lezing èn takimakandra nanga den arkiman. Aksi den arkiman fu taki fu sani di den e feni moi na ini a Bijbel leri-buku, sani soleki den aksi na a bigin fu a buku, èn a faki na a kaba fu ibri kapitel di e taki fu den moro prenspari penti fu ibri kapitel (blz. 106, nanga 114), den prenki di e fruklari sani (blz. 122, 123, 147, 198), nanga tra prenspari sani (blz. 197, par. 1, 2). A buku skrifi na wan fasi di e hari sma prakseri èn a e meki sma firi bun te den leisi en (blz. 11, 12, par. 12). A e tyari sani kon na krin na wan makriki fasi (blz. 58, par. 5) èn a e gebroiki bun agersitori (blz. 159, par. 12). Den sani di skrifi na a bigin fu a buku na fu yepi wi bigin studeri Bijbel nanga sma (blz. 3-7). Sori na ini wan demonstrâsi fa fu gebroiki a faki na tapu bladzijde 7 na wan nyun bijbelstudenti. Fruteri san sma ondrofeni di den gebroiki a nyun buku disi.

10 min: A yepi-pionierwroko e tyari blesi kon (Odo 10:22). Aksi den sma di ben dini leki yepipionier na ini a yari di pasa fu fruteri fa den ben seti sani fu kan du a wroko disi, èn meki den fruteri sosrefi sortu wini den kisi leki bakapisi fu dati. Gi ala sma a deki-ati fu begi Gado fu yepi den fu luku efu den kan go na ini a yepi-pionierwroko na ini maart, april, nanga mei.

Singi 16 nanga lasti begi.

[Futuwortu]