Syatu luku fu a Theokrasia Diniwroko-skoro
Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 27 februari 2006. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 2 yanuari te go miti 27 februari 2006. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]
FA FU TAKI MORO BUN
1. Fa a Theokrasia Diniwroko-skoro e yepi wi fu ’gi Gado wan srakti-ofrandi fu prèise ala ten, èn fu meki en nen bekènti na trawan’? (Hebr. 13:15) [be blz. 5 par. 3–blz. 6 par. 1]
2. Fu san ede wi musu du furu muiti fu leisi soifri? [be blz. 83 par. 1-5]
3. Fu san ede a de prenspari fu taki krin te wi e taki nanga sma èn te wi e gi den leri? [be blz. 86 par. 1-6]
4. Fu san ede a de prenspari fu taki den wortu soifri soleki fa wi musu taki den, èn san na wan tu sani di wi musu hori na prakseri? [be blz. 89 par. 1–blz. 90 par. 3, faki]
5. San na wan tu rai di kan yepi wi fu taki moro grati? [be blz. 94 par. 4, 5, faki]
LEZING NR. 1
6. Fa 2 Kroniki 36:17-23 e sori taki Bijbel profeititori e kon tru? [si-O blz. 84 par. 35]
7. Sortu sani pasa di meki taki den Dyu ben man drai go baka na den mamakondre na ini 537 b.G.T., so taki den ben kan bow na oso fu Yehovah baka? [si-O blz. 85 par. 1-3]
8. Fa a buku Esra e buweisi taki Yehovah na a tru Gado èn fa a e yepi wi fu poti frutrow na en tapu? [si-O blz. 87 par. 14, 18]
9. Fu san ede „a di fu twenti yari fu kownu Artakserkses” de so prenspari fu sabi o ten den sani na ini Bijbel historia ben pasa? (Neh. 2:1, 5, 6, 11, 17, 18) [si-O blz. 88 par. 2, 5]
10. Fa Nehemia de wan bun eksempre gi den futuboi fu Gado na ini a ten disi? [si-O blz. 90 par. 16, 17]
ALAWIKI LEISIPISI FU BIJBEL
11. A de so taki den Dyu di ben drai kon baka na a mamakondre fu den, ben gebroiki na Urim nanga a Tumim di a granpriester ben e gebroiki te a ben wani kisi piki fu Yehovah? (Esra 2:61-63)
12. Fu san ede furu fu den Dyu na ini Babilon no ben wani go nanga Esra na Yerusalem? (Esra 7:28–8:20)
13. Fa sma ben kan bow a skotu nanga wán anu nomo? (Neh. 4:17, 18)
14. Fu san ede meki Sanbalat seni wan „opo brifi” gi Nehemia, aladi sma ben gwenti fu seni brifi gi trawan na ini wan saka di tapu? (Neh. 6:5)
15. Nehemia ben „krutu” den Dyu di no ben e tyari densrefi moro na wan fasi di fiti, neleki fa a ben du nanga den kownu-manpikin èn nanga den heihei sma. Sortu tra sani a du fu meki den Dyu kenki a fasi fu den? (Neh. 13:25, 28)