Wan tu sani

◼ Sani di wi sa pristeri na ini februari: Yu kan pristeri a Kon krosibei na Yehovah buku so furu leki a kan gi bijbelstudie nanga sma di wani sabi moro. Efu yu e miti wan ososma fu a fosi leisi, dan yu kan pristeri a buku Joe kan libi foe têgo na ini wan paradijs na grontapoe. Maart: San Bijbel e leri wi trutru? Meki muiti spesrutu fu bigin wan bijbelstudie. April nanga mei: A Waktitoren nanga Ontwaakt! Te yu e go baka na den sma di wani sabi moro, èn di e kon na a Memrefesa noso na tra bigi konmakandra, ma di no abi demakandra nanga a gemeente doronomo, dan meki muiti fu pristeri a Bijbel leri-buku. Yu musu abi a marki fu bigin oso-bijbelstudie nanga yepi fu a buku disi.

◼ Fu di april abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ A nen fu a spesrutu publikitaki di musu hori na a ten fu a Memrefesa fu 2006 sa de: „Yu kan libi na ini vrede now èn fu têgo!” Luku den sani di ben meki bekènti kaba na ini Wi Kownukondre diniwroko fu september 2005.

◼ Na a Diniwroko konmakandra fu 3 april wi sa taki fu na artikel na tapu bladzijde 6 di nen „Studeri a buku San Bijbel e leri wi trutru? nanga prisiri”. Grantangi, kibri na artikel nanga a schema fu studeri a buku.

◼ A fesiman-opziener, noso wan tra sma di a aksi fu du dati, musu luku den moni afersi fu a gemeente tapu 1 december, noso so esi leki a kan baka dati. Efu a gemeente e gebroiki wan tra girorekening fu meki den sani di broko noso fu du bow-wroko, dan sani musu seti fu luku den moni afersi disi tu. Te disi du kaba, dan taki fu disi na ini a gemeente, baka te unu leisi a raportu fu moni afersi fu a mun di pasa.

◼ A sekretarsi nanga a dienst-opziener musu luku a wroko fu ala den gewoon pionier. Efu wan fu den gewoon pionier abi problema fu doro den yuru, dan den owruman musu seti sani fu yepi en. Efu unu wani sabi fa fu du dati, dan unu kan luku den alayari S-201 brifi.

◼ Tapu satra 24 yuni 2006, a bijkantoro na Garnizoenspad 239, o tapu fu di wi sa krin a presi soleki fa wi e du dati ala yari. A dei dati unu no sa man kon fu luku a presi, noso gemeente no sa man kon teki den buku fu den.

◼ Wi wani meki bekènti taki wan nyun publikâsi kon na doro, namku a brochure Aksi fu studeri „Mi buku nanga Bijbel tori”. Preikiman di wani a brochure disi, kan aksi disi te a gemeente e seni aksi publikâsi ala mun.