Schema gi a Diniwroko Konmakandra
Wiki di e bigin 13 maart
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den rai na tapu bladzijde 6, noso tra fasi di e sori fa wi kan pristeri A Waktitoren fu 15 februari nanga na Ontwaakt! fu februari. Sori na a kaba fu ibri demonstrâsi, fa a preikiman e gi na ososma wan kari fu kon na a Memrefesa, aladi a e gebroiki a bakasei kafti fu a tijdschrift di a e pristeri.
15 min: „Yepi trawan fu kisi wini fu a lusu-paiman”.a A pisi di e kon baka a prati disi sa taki moro fara fa wi kan gebroiki den bladzijde 206-208 fu a Bijbel leri-buku, te wi e gi sma wan kari fu kon na a Memrefesa.
20 min: A Neti-nyanyan fu Masra—Wan fesa di e gi Gado glori. Wan aksi-nanga-piki takimakandra di teki puru fu bladzijde 206-208 fu a Bijbel leri-buku. Den sani di yu e taki na a bigin no musu teki moro langa leki wán miniti, èn yu musu sori fa yu kan fruteri na ososma fu a Memrefesa, fu di yu e leisi a fosi paragraaf. Aksi den arkiman fu piki den aksi di e kon now, sondro taki yu e leisi den paragraaf: (par. 2) O ten Yesus gi a komando fu sma hori a Memrefesa? (par. 3) Omeni leisi sma musu hori a Memrefesa? (par. 4) San Bijbel e fruteri fu a Memrefesa? (par. 5) Fa wi sabi taki Yesus no kenki a brede kon tron en trutru skin èn a win kon tron a brudu fu en? (par. 6) San a brede sondro srudeki e prenki? (par. 7) San a redi win e prenki? (par. 8) Suma wawan musu nyan fu a brede èn dringi fu a win? (par. 9) O ten a Memrefesa e hori ibri yari, èn fu san ede wi musu go na a fesa dati? Efu nofo ten de, dan yu kan poti prakseri na den moro prenspari bijbeltekst. Gi ala sma a deki-ati fu studeri a rai disi nanga bijbelstudenti, èn nanga tra sma di den sa kari kon na a Memrefesa. Leisi den paragraaf, taki fu den prenspari penti, èn poti aksi di no muilek; aksi soleki den wan di de fu feni na ini a prati disi.
Singi 134 nanga lasti begi.
Wiki di e bigin 20 maart
10 min: Wan tu sani fu a gemeente. Taki fu den prenspari penti na ini a faki „Sani di wi musu hori na prakseri gi a Memrefesa”.
23 min: Sortu presi Krestes abi na ini a seti fu Gado? Wan lezing di teki puru fu Wi orga fu du a wani fu Yehovah, bladzijde 10-13. Te yu e taki fu den fosi tu paragraaf fu na ondro-edeprakseri „San na a frantwortu fu Krestes?”, dan gebroiki dri noso fo miniti fu fruteri èn fu demo fa wi kan gi sma wan kari gi a Memrefesa nanga yepi fu den karta di meki spesrutu fu du dati. Taki fu den rai di skrifi na ini Wi Kownukondre diniwroko fu februari 2006, bladzijde 3, paragraaf 3.
12 min: Kisi deki-ati fu di yu e ondrosuku den Buku fu Bijbel ala dei. Lezing nanga demonstrâsi di teki puru fu den biginwortu fu Ondrosuku den Buku fu Bijbel ala dei—2006. Demo fa wan osofamiri abi wan takimakandra pe den e taki fu a deitekst nanga a komentaar.
Singi 103 nanga lasti begi.
Wiki di e bigin 27 maart
15 min: Wan tu sani fu a gemeente. Memre den preikiman fu gi den preikiwroko raportu fu a mun maart. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan yu kan gebroiki den rai na tapu bladzijde 6, noso yu kan gebroiki tra rai tu fu hori demonstrâsi di e sori fa wi kan pristeri A Waktitoren fu 1 maart nanga na Ontwaakt! fu maart. Sori sosrefi fa wi kan gebroiki a karta fu gi den sma di wani sabi moro, wan kari fu kon na a Memrefesa.
10 min: Gado man tiri sani na grontapu ete? Lezing nanga demonstrâsi di teki puru fu a bakasei kafti fu A Waktitoren fu 1 april 2006. Gebroiki ala okasi fu gi sma wan kari fu kon na a spesrutu lezing disi. Kari ibri bijbelstudenti, ma sosrefi ibri memre fu en osofamiri di no e teki prati na a studie. Wi musu gi ala sma di wani sabi moro, wan spesrutu kari gi a lezing disi. Wi wani du dati sosrefi nanga trawan di wi e miti na ini a preikiwroko. Demo fa wi kan gebroiki A Waktitoren fu 1 maart fu gi wan kari na wan preikiman di no e preiki moro, noso di no e go na den konmakandra moro.
20 min: Ondrofenitori fu a gemeente. Aksi den arkiman sortu ondrofenitori den ben abi di den ben pristeri a Bijbel leri-buku na ini maart. Meki den fruteri fu den bijbelstudie di den bigin nanga a buku disi. Yu kan demo wán noso tu fu den moi ondrofenitori disi.
Singi 170 nanga lasti begi.
Wiki di e bigin 3 april
15 min: Wan tu sani fu a gemeente. Taki syatu fu na artikel „Studeri a buku San Bijbel e leri wi trutru? nanga prisiri” di skrifi na tapu bladzijde 6 fu Wi Kownukondre diniwroko fu februari 2006. Poti prakseri na a schema fu studeri a Bijbel leri-buku. Sori sosrefi fa wi kan gebroiki den karta fu gi sma di wani sabi moro, wan kari gi a Memrefesa.
10 min: Sani di a gemeente abi fanowdu.
20 min: „Leri den safri-atisma fu waka a pasi fu Gado.”b Taki wan tu sani fu A Waktitoren fu 1 yuli 2004, bladzijde 16, paragraaf 9.
Singi 93 nanga lasti begi.
[Futuwortu]
a Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.