Wan tu sani

◼ Sani di wi sa pristeri na ini maart: San Bijbel e leri wi trutru? Meki muiti spesrutu fu bigin wan bijbelstudie. April nanga mei: A Waktitoren nanga Ontwaakt! Te yu e go baka na den sma di wani sabi moro, èn di e kon na a Memrefesa noso na tra bigi konmakandra, ma di no abi demakandra nanga a gemeente doronomo, dan meki muiti fu pristeri a Bijbel leri-buku. Meki muiti fu bigin wan oso-bijbelstudie nanga yepi fu a buku disi. Yuni: Teki leri fu a Bigi Leriman. Efu sma taki dati den no abi pikin, dan yu kan pristeri a Kolokoe osofamiri-buku.

◼ Fu di april abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ A spesrutu publikitaki di musu hori na a ten fu a Memrefesa fu 2006, sa abi leki nen: „Gado man tiri sani na grontapu ete?” Luku den bodoi di e taki fu a spesrutu publikitaki na ini Wi Kownukondre diniwroko fu september 2005.

◼ A Memrefesa sa hori tapu fodewroko 12 april 2006. Efu a gemeente fu yu gwenti fu abi den konmakandra tapu dridewroko, dan disi sa skoifi go na wan tra dei na ini a wiki, efu nowan enkri tra gemeente e gebroiki a Kownukondre zaal. Efu disi no man, èn efu yu no sa man hori a Diniwroko Konmakandra dati tapu wan tra dei, dan den pisi fu a konmakandra gi a wiki dati, di abi spesrutu fu du nanga a gemeente fu yu, kan hori na wan tra Diniwroko Konmakandra.

◼ Den gemeente musu gi den preikiman den nyun Waktitoren nanga Ontwaakt! wantewante te den kisi den. Disi sa meki taki den preikiman kan leisi den artikel, bifo den sa pristeri den tijdschrift na ini a preikiwroko. Den preikiman musu kisi den Wi Kownukondre diniwroko wantewante tu, te a gemeente kisi den. Unu kan prati den na den Gemeente Bukustudie.

◼ Na ini mei wi sa taki fu a video Noach—Hij wandelde met God, tapu wan fu den Diniwroko Konmakandra. Efu sma wani a video disi, dan den musu aksi disi wantewante na ini a gemeente.

◼ A bijkantoro no sa seni buku go gi wán preikiman nomo di seni aksi fu dati. Ibri mun a fesiman opziener musu seti sani fu meki bekènti na ini a gemeente o ten den o seni aksi a bijkantoro fu seni den publikâsi di a gemeente abi fanowdu. Na so fasi den wan di abi wan sani fanowdu kan aksi a brada di de na a bukutafra fu seni aksi publikâsi gi den tu. Grantangi, hori na prakseri san na den publikâsi di sma kan kisi, soso te den aksi fu den.