Schema gi a Diniwroko Konmakandra

Wiki di e bigin 11 december

Singi 174

10 min: Wan tu sani fu a gemeente. Efu a fiti gi a kontren fu yu, dan yu kan gebroiki den eksempre na tapu bladzijde 8, noso tra fasi di e sori fa fu pristeri A Waktitoren fu 15 november nanga na Ontwaakt! fu november. Sori na ini wán fu den demonstrâsi fa wan preikiman e piki wan sma na wan koni fasi te a sma e taki: „Mi no wani sabi noti”.—Luku blz. 8 fu a Bijbel takimakandra-buku, na ondro na edeprakseri „Mi no abi belangstelling”.

15 min: A Theokrasia Diniwroko-skoro fu 2007. Wan lezing èn takimakandra di a skoro-opziener sa hori nanga den arkiman. Taki fu penti na ini na inibere pisi fu Wi Kownukondre diniwroko fu oktober 2006, di abi fu du nanga yu gemeente. Fruteri taki a skoro-opziener no sa taki na fesi na sortu penti a studenti musu wroko. Na ini a yari 2007 wi sa leisi den Hebrew Buku fu Bijbel, fu Yesaya kapitel 24 te go miti a kaba fu Maleaki. Fu di disi de so, meki a yari disi sa de wan moi okasi gi brada di o hori den edepenti fu Bijbel èn sosrefi gi tra sma di o gi komentaar, fu gebroiki den buku di e taki fu den profeititori disi. Hori wan takimakandra nanga tu noso dri preikiman, namku wan nyun studenti, wan yongu studenti di e go bun na fesi, èn wan studenti di abi furu ondrofeni. Meki den fruteri sortu krakti a skoro abi tapu a diniwroko fu den, èn tapu a matifasi di den abi nanga Gado. Gi ala sma deki-ati fu sreka densrefi bun te den musu hori wan lezing, fu teki prati na a takimakandra fu den edepenti fu Bijbel, èn fu gebroiki den rai di wi e kisi ibri wiki fu a buku Kisi wini fu a Theokrasia Diniwroko-skoro.

20 min: „No lasi a lobi di yu ben abi biginbigin”.a Efu nofo ten de, dan yu kan aksi den arkiman fu taki wan sani fu den bijbeltekst di kari.

Singi 193 nanga lasti begi.

Wiki di e bigin 18 december

Singi 150

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Taki fu a pisi „Aksi di opo kon”. Taki syatu fu den spesrutu preikiwroko konmakandra di seti gi 25 nanga 26 december èn 1 yanuari.

15 min: „Go baka na ala sma di sori taki den wani sabi moro”.b Aksi den arkiman fu fruteri fa den ben man kisi na adres noso a telefon-nomru fu sma di ben wani sabi moro, di den ben du okasi preikiwroko noso stratiwroko. Aksi den tu fu fruteri wan tu moi sani di den ondrofeni di den go baka na den sma disi. Yu kan aksi wán noso tu sma fu sreka densrefi na fesi, so taki den kan fruteri wan tu sani.

20 min: „Wi e kisi blesi te wi de klariklari fu gi wisrefi”.c Hori wan takimakandra nanga wán noso tu preikiman di abi a nen taki den de klariklari fu gi densrefi. Fa den sori taki den de klariklari fu gi densrefi? Sortu kenki den ben musu tyari kon, èn fa den ben man du disi? Sortu blesi den kisi leki bakapisi fu disi?

Singi 108 nanga lasti begi.

Wiki di e bigin 25 december

Singi 210

10 min: Wan tu sani fu a gemeente. Leisi a raportu fu moni afersi, èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan yu kan gebroiki den eksempre na tapu bladzijde 8, noso tra fasi di e sori fa fu pristeri A Waktitoren fu 1 december nanga na Ontwaakt! fu december. Na a kaba fu ibri demonstrâsi, a preikiman e poti wan aksi di e meki na ososma go denki. A preikiman kan piki na aksi disi te a e go baka na a sma, aladi a e gebroiki a Bijbel leri-buku.

15 min: Sani di a gemeente abi fanowdu.

20 min: „Yu abi yu eigi kontren pe yu e du a preikiwroko?”d Meki a dienst-opziener fruteri syatu o bigi a kontren fu a gemeente de, o furu a gemeente e wroko a kontren, èn efu kontren de di sma kan kisi gi densrefi fu preiki na ini.

Singi 219 nanga lasti begi.

Wiki di e bigin 1 yanuari

Singi 158

Hori na prakseri: Den gemeente no musu skoifi a Diniwroko Konmakandra di musu hori na ini a wiki fu 1 yanuari go na wan dei bifo a ten dati, boiti efu a kring-opziener e fisiti a gemeente a wiki dati. Ala den gemeente musu luku na inibere pisi fu Wi Kownukondre diniwroko di e taki fu a kongres, soleki fa a schema fu a Diniwroko Konmakandra e sori. Efu wan spesrutu dei konmakandra e hori a wiki disi, dan den bukustudie-opziener musu meki bekènti na den bukustudie pe èn o ten a konmakandra disi e hori.

5 min: Wan tu sani fu a gemeente. Memre ala den preikiman fu gi den preikiwroko raportu fu december.

15 min: Raportu di e sori fa a diniwroko e go na fesi. Lezing èn takimakandra nanga den arkiman. A teki puru fu Wi orga fu du a wani fu Yehovah, fu na ondro-edeprakseri na tapu bladzijde 84 te go miti a kaba fu a kapitel.

25 min: „A distrikt kongres fu Yehovah Kotoigi na ini 2007”.e A gemeente sekretarsi musu hori a takimakandra disi. Bifo a e taki fu na inibere pisi di de na tapu bladzijde 3 fu Wi Kownukondre diniwroko, a musu taki o ten èn pe a kongres o hori. Gi ala sma deki-ati fu seti sani gi a kongres so esi leki den kan.

Singi 65 nanga lasti begi.

[Futuwortu]