Schema gi a Diniwroko Konmakandra

Wiki di e bigin 12 februari

Singi 52

10 min: Wan tu sani fu a gemeente. Efu a fiti gi a kontren fu yu, dan yu kan gebroiki den eksempre na tapu bladzijde 8, noso tra fasi di e sori fa fu pristeri A Waktitoren fu 15 yanuari nanga na Ontwaakt! fu yanuari. Sori na ini wán fu den demonstrâsi fa wan preikiman e piki wan sma na wan koni fasi te a sma e taki: „Mi no wani sabi noti fu kerki”.—Luku bladzijde 8 fu a Bijbel takimakandra-buku, na ondro na edeprakseri: „Mi no abi belangstelling gi relisi”.

35 min: „Fruteri ala sma fu den kefalek moi fasi fu Yehovah”.a A dienst-opziener musu hori a takimakandra disi. Te yu doro den paragraaf di e taki fu den spesrutu tori, dan yu musu meki bekènti pe èn o ten a Memrefesa sa hori, sortu preikiman konmakandra seti, èn sortu marki a gemeente wani doro na ini april.

Singi 147 nanga lasti begi.

Wiki di e bigin 19 februari

Singi 198

5 min: Wan tu sani fu a gemeente.

20 min: „Du neleki a Bigi Leriman te yu e gebroiki a Bijbel leri-buku”.b Te yu e taki fu paragraaf 6, dan yu musu hori wan syatu demonstrâsi pe wan preikiman e gebroiki a faki na a kaba fu kapitel 6 fu a Bijbel leri-buku, fu luku den edepenti fu a kapitel ete wan tron makandra nanga a bijbelstudenti fu en.

20 min: Yu kan bigin wan bijbelstudie na ini maart? Wan takimakandra nanga den arkiman. Na ini a fosi afu pisi fu maart, wi sa pristeri a Bijbel leri-buku nanga a marki fu bigin bijbelstudie. Luku den eksempre na ini na inibere pisi fu Wi Kownukondre diniwroko fu yanuari 2006, bladzijde 3-6. Efu a fiti gi a kontren fu yu, dan yu kan gebroiki wán fu den eksempre na tapu bladzijde 6, noso tra fasi di e sori fa fu pristeri a buku èn fu demo fa fu bigin wan bijbelstudie a fosi leisi te yu e go na sma. Aksi den arkiman fu fruteri moi ondrofenitori di den kisi di den ben wroko nanga a buku, spesrutu fa den bigin bijbelstudie.

Singi 220 nanga lasti begi.

Wiki di e bigin 26 februari

Singi 29

10 min: Wan tu sani fu a gemeente. Leisi a raportu fu moni afersi, èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan yu kan gebroiki den eksempre na tapu bladzijde 8, noso tra fasi di e sori fa fu pristeri A Waktitoren fu 1 februari nanga na Ontwaakt! fu februari. Sori na ini wan fu den demonstrâsi fa wan preikiman e wroko na ini bisnis kontren.

15 min: „No frigiti den preikiman di tapu nanga a diniwroko fu den”.c Taki wan tu sani fu san skrifi na ini A Waktitoren fu 1 mei 2004, bladzijde 21, 22, paragraaf 13-16.

20 min: „Du a preikiwroko neleki fa Krestes du dati”.d Efu nofo ten de, dan yu kan aksi den arkiman fu leisi, èn fu taki wan sani fu den bijbeltekst di kari.

Singi 18 nanga lasti begi.

Wiki di e bigin 5 maart

Singi 32

15 min: Wan tu sani fu a gemeente. Wan tu sani di teki puru fu Wi Kownukondre diniwroko. Gi ala arkiman wán fu den spesrutu papira fu gi sma wan kari gi a Memrefesa, èn fruteri san a gemeente seti fu gi den sma na ini a kontren wan kari. Gi ala sma a deki-ati fu teki prati na den seti disi. Demo fa wi kan gebroiki a spesrutu papira disi.

15 min: Preiki a bun nyunsu na wan orga fasi. Lezing nanga takimakandra di teki puru fu Wi orga fu du a wani fu Yehovah, fu na ondro-edeprakseri na tapu bladzijde 102 te go miti a kaba fu a kapitel.

15 min: „Wi kisi wan gudu”.e Efu nofo ten de, dan yu kan aksi den arkiman fu taki wan tu sani fu den bijbeltekst di kari.

Singi 104 nanga lasti begi.

[Futuwortu]