Schema gi a Diniwroko Konmakandra
Wiki di e bigin 8 oktober
10 min: Wan tu sani fu a gemeente. Efu a fiti gi a kontren fu yu, dan gebroiki den rai na tapu bladzijde 8, noso gebroiki tra fasi fu demo fa fu pristeri A Waktitoren fu 15 september nanga na Ontwaakt! fu september. Na ini den demonstrâsi den preikiman musu pristeri ala tu tijdschrift, awansi den e taki fu wán fu den tijdschrift nomo.
20 min: Tan krosibei fu Yehovah en organisâsi. Lezing èn takimakandra nanga den arkiman, di teki puru fu kapitel 17 fu a buku Wi orga fu du a wani fu Yehovah.
15 min: „Wi sa prati wan spesrutu Ontwaakt! na ini november!”a Taki syatu fu wan tu sani di skrifi na ini na Ontwaakt! fu november. Baka dati, go doro nanga wan aksi-nanga-piki takimakandra fu na artikel. Te yu e taki fu paragraaf 3, dan sori na ini wan demonstrâsi fa wan preikiman e gebroiki a rai na tapu bladzijde 8 noso tra rai di fiti gi a kontren fu yu, fu prati na Ontwaakt! fu november. Fosi a preikiman kaba nanga a demo, a e poti wan aksi gi na ososma so taki a kan go baka na en wan tra leisi.
Wiki di e bigin 15 oktober
10 min: Wan tu sani fu a gemeente nanga wan tu sani di teki puru fu Wi Kownukondre diniwroko.
20 min: A waarheid e meki froktu na ini den wan di yu e gi leri? Lezing èn takimakandra di teki puru fu A Waktitoren fu 1 februari 2005, bladzijde 28-30. Taki sosrefi fa den aksi di skrifi na ini a Bijbel leri-buku e yepi wi fu kon sabi san de na ini na ati fu wan studenti. Luku wan tu eksempre di skrifi na ini kapitel 1, paragraaf 19; kapitel 2, paragraaf 4; kapitel 3, paragraaf 24; nanga kapitel 4, paragraaf 18. Gi den preikiman deki-ati fu gebroiki den difrenti sani fu a buku.
15 min: Yu e memre disi ete? Takimakandra nanga den arkiman, di teki puru fu A Waktitoren fu 15 augustus 2007, bladzijde 19.
Wiki di e bigin 22 oktober
10 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan gebroiki den rai na tapu bladzijde 8, noso gebroiki tra fasi fu demo fa fu pristeri A Waktitoren fu 1 oktober nanga na Ontwaakt! fu oktober.
15 min: Sani di a gemeente abi fanowdu.
20 min: Tan tyari unsrefi leki pikin di de na ini a leti. Lezing nanga interview. Wi gowe libi a dungru grontapu èn wi bosroiti fu meki a leti fu Yehovah tiri wi (Ef. 5:8, 9). Disi meki taki a libi fu wi kon moro bun, fu di wi abi wan marki na ini a libi (1 Tim. 4:8). A leti disi e gi wi howpu tu (Rom. 15:4). Interview tu noso dri preikiman di ben abi bigi problema. Meki den fruteri san den ben du fu lusu den problema disi, so taki den ben kon kisi wan bun matifasi nanga Yehovah, èn so taki den ben tan abi a matifasi dati. Sortu tyalensi den ben abi di den ben kon na ini a waarheid? Fa den ben man wini den tyalensi disi? Na sortu fasi a libi fu den de moro bun now? San e yepi den fu tanapu kánkan na ini a waarheid? Na a kaba fu a takimakandra, gi ala preikiman a deki-ati fu tan meki muiti fu tron moro bun mati fu Yehovah, èn fu tan sori taki den abi bigi warderi gi a tru leri di Yehovah gi den.—2 Petr. 1:5-8.
Wiki di e bigin 29 oktober
10 min: Wan tu sani fu a gemeente. Memre den preikiman fu gi den preikiwroko raportu fu a mun oktober. Taki fu den sani di wi sa pristeri na ini november, èn hori wan demonstrâsi di e sori fa wi kan du dati.
15 min: Poti yeye marki fu man gi glori na yu Mekiman. Lezing èn takimakandra nanga den arkiman di teki puru fu A Waktitoren fu 15 yuli 2004, bladzijde 21-23. Aksi den arkiman fu fruteri sortu marki den ben poti fu go na fesi na ini a diniwroko èn fa den ben doro a marki dati. Yu kan seti sani na fesi, so taki wán noso tu sma kan fruteri san den du fu go na fesi.
20 min: „Gi den pôtisma howpu”.b Te yu e taki fu paragraaf 2, dan taki fu wan tu sani di skrifi na ini na Ontwaakt! fu 8 september 2003, bladzijde 26 nanga 27.
Wiki di e bigin 5 november
10 min: Wan tu sani fu a gemeente.
15 min: Fa fu kibri den pikin fu yu nanga yepi fu a koni fu Gado. Lezing di teki puru fu A Waktitoren fu 1 yanuari 2005, bladzijde 23-27.
20 min: „Wan okasi fu gi makandra deki-ati”.c Aksi den arkiman fu fruteri na sortu fasi den kisi deki-ati di a kring-opziener ben fisiti a gemeente. Yu kan seti sani na fesi so taki wán, noso tu sma kan fruteri dati.
[Futuwortu]
a Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.
b Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.
c Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.