Schema gi a Diniwroko Konmakandra

Wiki di e bigin 10 december

Singi 46

10 min: Wan tu sani fu a gemeente. Efu a fiti gi a kontren fu yu, dan gebroiki den rai na tapu bladzijde 8, noso gebroiki tra fasi fu demo fa fu pristeri A Waktitoren fu 15 november nanga na Ontwaakt! fu november.

20 min: A Theokrasia Diniwroko-skoro fu 2008. Wan lezing di a skoro-opziener sa hori. Poti prakseri na den sani di de fanowdu na ini yu gemeente te yu e taki fu na inibere pisi fu Wi Kownukondre diniwroko fu oktober 2007. Taki fu den sani di a brada musu du di e yepi a skoro-opziener. Gi ala sma deki-ati fu sreka densrefi bun te den musu hori wan lezing, fu teki prati na a takimakandra fu den edepenti fu Bijbel, èn fu gebroiki den rai di wi e kisi ibri wiki fu a buku Kisi wini fu a Theokrasia Diniwroko-skoro.

15 min: „Trowstu den sma di brokosaka”.a Fruteri wán noso tu syatu ondrofenitori di abi fu du nanga a tori disi.

Singi 34

Wiki di e bigin 17 december

Singi 28

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Gi ala sma deki-ati fu luku a DVD di nen Jehovah’s Getuigen — Georganiseerd om het goede nieuws te prediken, so taki den kan sreka densrefi gi a takimakandra di wi sa hori na a Diniwroko Konmakandra na ini a wiki fu 31 december.

15 min: „Wi musu tan de fayafaya na ini a diniwroko”.b Hori wan takimakandra nanga wan preikiman di de fayafaya na ini a preikiwroko. Poti den aksi disi: San ben meki en muilek gi yu fu tan de fayafaya? San yepi yu fu tan de fayafaya?

20 min: „Pristeri den tijdschrift di e gi kotoigi fu a waarheid”.c Aksi den arkiman fu kari wan tu penti di skrifi na tapu bladzijde 8 fu Wi Kownukondre diniwroko fu november 2006. Gi den deki-ati fu leisi A Waktitoren fu 1 yanuari nanga na Ontwaakt! fu yanuari. Aksi den arkiman fu tyari den tu tijdschrift disi na ini a wiki fu 7 yanuari.

Singi 139

Wiki di e bigin 24 december

Singi 212

12 min: Wan tu sani fu a gemeente. Leisi a raportu fu moni afersi, èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan gebroiki den rai na tapu bladzijde 8, noso gebroiki tra fasi fu demo fa fu pristeri A Waktitoren fu 15 december nanga na Ontwaakt! fu december.

15 min: A abi krakti tapu trawan te wi e dini Gado getrow. Wan lezing di musu gi den arkiman deki-ati, èn di teki puru fu De Wachttoren fu 1 maart 1990, bladzijde 22, 23.

18 min: „Poti a marki fu hori wan bijbelstudie”.d Hori wan takimakandra nanga wán noso tu sma di bigin wan bijbelstudie no so langa pasa. Fa den bigin a bijbelstudie? Fa a bijbelstudie e go now?

Singi 21

Wiki di e bigin 31 december

Singi 89

10 min: Wan tu sani fu a gemeente. Memre den preikiman fu gi den preikiwroko raportu fu december. Taki fu den sani di wi sa pristeri na ini yanuari, èn hori wan demonstrâsi di fiti gi a kontren fu yu.

15 min: Sani di a gemeente abi fanowdu.

20 min: „Noiti ete so wan bigi preikiwroko du na grontapu!”e Aksi den arkiman fu fruteri san den famiriman, den mati, den gobaka, nanga den bijbelstudenti taki di den sori den a DVD di nen Jehovah’s Getuigen — Georganiseerd om het goede nieuws te prediken.

Singi 202

Wiki di e bigin 7 yanuari

Singi 159

5 min: Wan tu sani fu a gemeente.

15 min: Sreka yusrefi fu pristeri den nyun tijdschrift. Wan takimakandra nanga den arkiman di teki puru fu A Waktitoren fu 1 yanuari nanga na Ontwaakt! fu yanuari. Baka te yu taki syatu fu ibri tijdschrift, dan aksi den arkiman sortuwan fu den artikel den denki taki o hari a prakseri fu den sma na ini a kontren, èn fu san ede den e denki so. Aksi den arkiman fu gi eksempre fa den o pristeri den artikel di den wani gebroiki. Sortu aksi den kan poti fu bigin wan takimakandra? Sortu bijbeltekst na ini na artikel den kan leisi? Fa den kan sori taki a tekst abi fu du nanga na artikel? Gebroiki den rai na ini Wi Kownukondre diniwroko noso wan fu den eksempre di den arkiman gi, fu demo fa wi kan pristeri ibriwan fu den tijdschrift.

20 min: „A distrikt kongres fu Yehovah Kotoigi na ini 2008”.f A gemeente sekretarsi musu hori a takimakandra disi. Bifo a e taki fu na inibere pisi, a musu taki o ten èn pe a kongres o hori. Gi ala sma deki-ati fu seti sani gi a kongres so esi leki den kan.

Singi 99

[Futuwortu]