Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 25 februari 2008. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 7 yanuari te go miti 25 februari 2008.

FA FU TAKI MORO BUN

1. San wi musu du fu yepi den arkiman fu kon frustan san den bijbeltekst wani taki, èn fu san ede wi musu du disi? [be blz. 228 par. 2, 3]

2. Fu san ede a de prenspari fu hori takimakandra na so wan fasi taki den arkiman e leri wan sani, èn fa wi kan du disi? [be blz. 230 par. 3-5, faki]

3. Na sortu fasi den arkiman kan leri moro, te wi gebroiki den sani di wi ondrosuku, na ini den takimakandra fu wi? [be blz. 231 par. 1-3]

4. San wi kan du fu gebroiki bijbeltekst di den arkiman sabi kaba, na so wan fasi taki den e leri wan sani fu en? [be blz. 231 par. 4, 5]

5. Fu san ede a de prenspari fu taki-go-taki-kon fu den tekst di wi e leisi? [be blz. 232 par. 3, 4]

LEZING NR. 1

6. San e sori taki a buku Mateyus ben skrifi na a fosi presi gi den Dyu? [si-O blz. 176 par. 6, 7]

7. Fa wi kan sreka wi ati fu kisi leri fu Gado nanga yepi fu a takiman di de na tapu a podium? (2 Kron. 20:33) [be blz. 13 par. 4–blz. 14 par. 4]

8. San papa nanga mama kan du fu yepi den pikin fu den fu kon ’koni, so taki den kan kisi frulusu’? (2 Tim. 3:15) [be blz. 16 par. 3, 4]

9. Fa na Evangelietori fu Mateyus e poti prakseri na a kontru fu Bijbel profeititori? [si-O blz. 181 par. 32]

10. Na Evangelietori fu Mateyus e sori taki Yesus na a pramisi Mesias èn Kownu. San na Evangelietori fu Markus e sori fu Yesus? [si-O blz. 182 par. 7, 8]

ALAWIKI LEISIPISI FU BIJBEL

11. San moro ogri, fu kosi wan sma, noso fu tan atibron nanga wan sma? (Mat. 5:21, 22) [w08 15/1 „A Wortu fu Yehovah de libilibi—Edepenti fu a buku Mateyus”]

12. Fa Kresten e hori ’den ai krin’? (Mat. 6:22, 23) [w06 1/10 blz. 29]

13. San Yesus ben wani tyari kon na krin di a aksi den disipel fu en: „Unu frustan san ala den sani disi wani taki?” (Mat. 13:51, 52) [w08 15/1 „A Wortu fu Yehovah de libilibi—Edepenti fu a buku Mateyus”]

14. Fu san ede Yesus ben gwenti fu taigi den sma di a ben dresi fu ’no meki sma kon sabi suma na en’? (Mat. 12:16) [cl blz. 93, 94]

15. San Yesus ben wani tyari kon na krin di a ben taki dati sma o „handri” na a srefi fasi nanga wi neleki fa wi e ’handri nanga den’? (Mark. 4:24, 25) [gt kap. 43]