Schema gi a Diniwroko Konmakandra
Wiki di e bigin 11 augustus
10 min: Wan tu sani fu a gemeente. Aksi den arkiman sortuwan fu den artikel na ini den nyun tijdschrift e hari a prakseri fu den sma na ini a kontren. Aksi den arkiman fu kari spesrutu sani di skrifi na ini den artikel di den wani pristeri. Sortu aksi den kan poti fu bigin wan takimakandra? Sortu bijbeltekst na ini na artikel den kan leisi baka dati? Seti sani na fesi fu hori demonstrâsi di e sori fa fu gebroiki den eksempre di den arkiman gi.
15 min: Den ben du a wani fu Yehovah. Wan lezing di teki puru fu A Waktitoren fu 1 maart 1998, bladzijde 30, 31.
20 min: „Yu e gebroiki A Waktitoren bun?”a Interview wan preikiman di ondrofeni wan moi sani di a ben gebroiki wan fu den nyun artikel na ini A Waktitoren di wi e prati na ini a preikiwroko. Yu kan sori na ini wan demonstrâsi fa disi pasa. Boiti dati, yu kan hori wan demonstrâsi, soleki fa a skrifi na ini paragraaf 2, fu sori fa yu kan bigin wan bijbelstudie. Gebroiki na artikel di nen „Den sani di Yesus leri wi” na ini A Waktitoren fu 1 augustus, te yu e hori a demonstrâsi dati.
Wiki di e bigin 18 augustus
10 min: Wan tu sani fu a gemeente. Wan tu sani di teki puru fu Wi Kownukondre diniwroko. Taki fu a „Nyun kring konmakandra programa”. Taki o ten a kring konmakandra sa hori, efu yu sabi dati kaba. Memre den arkiman fu tyari A Waktitoren fu 1 augustus nanga na Ontwaakt! fu augustus kon na a Diniwroko Konmakandra tra wiki, èn fu sreka densrefi fu fruteri fa den sa pristeri den tijdschrift disi na ini a kontren drape.
20 min: A fasi fa wi e weri krosi èn e moi wisrefi e gi Yehovah grani. Wan owruman musu hori a lezing disi. Fu di Yehovah na wan santa Gado, meki a pipel fu en e si en leki wan prenspari sani fu de krin (Ex. 30:17-21; 40:30-32). Te wi e weri krosi èn e moi wisrefi na wan fasi di fiti, spesrutu te wi e du wi diniwroko, dan na so fasi wi e plisi Yehovah èn wi e gi en glori (1 Petr. 2:12). Ma efu wi no e du dati, dan sma „kan taki takru fu a wortu fu Gado” (Tit. 2:5). Fruteri wan tu ondrofenitori fu a gemeente noso fu wan fu den publikâsi fu wi, di e sori fa wan preikiman ben man gi kotoigi fu di a ben weri krosi èn moi ensrefi na wan fasi di fiti.
15 min: Yonguwan di e gi bun kotoigi. Wan lezing di musu gi papa, mama, nanga den pikin fu den deki-ati, fu di den pikin o go baka na skoro na ini oktober. Memre den yonguwan fu gebroiki den okasi di den e kisi fu gi kotoigi. Efu nofo ten de ete, aksi den arkiman fu fruteri sortu sani den ondrofeni di den gi kotoigi na skoro.
Wiki di e bigin 25 augustus
15 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Taki fu a „Nyun spesrutu dei konmakandra programa”, èn taki o ten a konmakandra disi sa hori, efu yu sabi dati kaba.
15 min: Sani di a gemeente abi fanowdu.
15 min: Sreka yusrefi fu pristeri A Waktitoren fu 1 augustus nanga na Ontwaakt! fu augustus. Wan takimakandra nanga den arkiman. Baka te yu taki syatu fu den tijdschrift, aksi den arkiman sortuwan fu den artikel kan hari a prakseri fu den sma na ini a kontren. Sortu aksi den kan poti èn sortu bijbeltekst den kan leisi fu bigin wan takimakandra? Hori wan demonstrâsi di e sori fa den preikiman kan gebroiki wan fu den eksempre na ini Wi Kownukondre diniwroko. Meki wan fu den owruman hori wan syatu demonstrâsi pe a e pristeri wan fu den tijdschrift, fu di a e gebroiki wan fu den artikel di o hari sma prakseri na ini a kontren drape.
Wiki di e bigin 1 september
10 min: Wan tu sani fu a gemeente. Memre den preikiman fu gi den preikiwroko raportu fu a mun augustus.
20 min: Den no man kon na den konmakandra, ma wi no frigiti den. Lezing di teki puru fu A Waktitoren fu 15 april 2008, bladzijde 25-28. Taki sortu Kresten brada noso sisa fu a gemeente e tan na wan presi pe sma e sorgu gi owrusma. Efu nowan owrusma fu a gemeente e libi na so wan presi, dan gebroiki den rai na ini na artikel fu gi a gemeente deki-ati fu horibaka gi den sma di siki noso di no man du furu moro na ini a diniwroko.
15 min: Du muiti na ini september fu bigin bijbelstudie nanga sma di wi e miti a fosi leisi. Wan takimakandra nanga den arkiman. Na ini september, wi o pristeri a Bijbel leri-buku èn wi o meki muiti fu taki fu wan tu paragraaf nanga na ososma te wi miti en a fosi leisi. Luku den eksempre na ini na inibere pisi fu Wi Kownukondre diniwroko fu yanuari 2006, èn hori wán, noso tu demonstrâsi di e sori fa wi kan bigin wan bijbelstudie a fosi leisi te wi miti a sma.
[Futuwortu]
a Den sani di yu e taki na a bigin no musu teki moro langa leki wán miniti. Go doro baka dati nanga wan aksi-nanga-piki takimakandra.