Schema gi a Diniwroko Konmakandra
Wiki di e bigin 8 september
10 min: Wan tu sani fu a gemeente. Aksi den arkiman sortuwan fu den artikel na ini den nyun tijdschrift e hari a prakseri fu sma na ini a kontren. Aksi den tu fu fruteri sortu aksi èn sortu bijbeltekst den ben poti fu bigin taki fu den artikel. Sori fa fu pristeri den tu tijdschrift disi.
15 min: Yepi bijbelstudenti fu tron leriman. Wan lezing di teki puru fu A Waktitoren fu 15 yanuari 2007, bladzijde 29, 30, paragraaf 14-20. Hori wan syatu demonstrâsi di e sori fa wan preikiman e fruteri wan nyun bijbelstudenti fa a publikitaki nanga a Waktitoren-studie e hori. Baka dati, a preikiman e gi a studenti wan kari fu kon na den konmakandra.
20 min: Fa wi musu handri te sma e denki takru fu wi na ini a preikiwroko? Lezing di wan owruman musu hori, èn di teki puru fu difrenti publikâsi di e sori sortu krakti a kan abi tapu wi diniwroko te sma e denki takru fu wi. Fruteri san wi kan du so taki sma no e denki takru fu wi moro. Son leisi, a fasi fa wi e tyari wisrefi na ini a preikiwroko èn sosrefi te wi e du wi aladei sani, kan yepi wi so taki trawan no denki takru fu wi moro. Na so fasi sma o wani kon sabi moro fu den tru tori fu Bijbel. Sobun, a prenspari ala ten fu luku bun san wi e taki èn fa wi e tyari wisrefi (1 Petr. 2:12; 3:1, 2). Fruteri wan tu ondrofenitori fu a presi drape noso fu den publikâsi fu wi di e sori san wi kan du so taki sma no denki takru fu wi moro.
Wiki di e bigin 15 september
10 min: Wan tu sani fu a gemeente. Wan tu sani di teki puru fu Wi Kownukondre diniwroko.
20 min: Fa sani waka na ini a yari di pasa? Lezing èn takimakandra nanga den arkiman di a dienst-opziener noso wan tra owruman di abi ondrofeni, musu hori. Taki fu den sani di a gemeente ben du na ini a dienstyari di pasa, fu di yu e poti prakseri na den bun sani di den ben du. Prèise a gemeente pe a fiti. Seti sani na fesi so taki wán noso tu preikiman fruteri wan moi ondrofenitori. Taki fu wán noso tu penti di a gemeente kan du moro bun na ini a yari di e kon, èn taki fu wan tu sani di kan yepi den fu go na fesi.
15 min: Fa mi kan opo taki gi a bribi di mi e bribi na ini wan Mekiman? Lezing di teki puru fu difrenti publikâsi di e taki fu a tori disi. Aksi den arkiman fu fruteri fa den ben opo taki gi a bribi di den e bribi taki wan sma de di meki ala sani. Meki den fruteri fa den ben du dati na skoro, na wrokope, noso na tra presi. Yu kan seti sani na fesi so taki wán, noso tu sma sreka densrefi fu gi piki.
Wiki di e bigin 22 september
10 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Taki fu a brifi fu a bijkantoro, di de na tapu bladzijde 1.
20 min: Yu kan kisi pai gi a wroko di yu e du. Lezing di teki puru fu A Waktitoren fu 15 april 2005, bladzijde 28, paragraaf 5 te go miti a kaba fu bladzijde 29. Hori wan syatu interview nanga wán, noso tu preikiman di de fayafaya, èn meki den fruteri fa Yehovah ben yepi den fu di a ben sorgu taki den kisi san den abi fanowdu fu du a diniwroko fu den.
15 min: Sreka yusrefi fu pristeri A Waktitoren fu 1 september nanga na Ontwaakt! fu september. Baka te yu taki syatu fu den tijdschrift, aksi den arkiman sortuwan fu den artikel kan hari a prakseri fu den sma na ini a kontren. Sortu aksi den kan poti èn sortu bijbeltekst den kan leisi fu bigin taki fu wan fu den artikel? Hori wan demonstrâsi di e sori fa den preikiman kan gebroiki wan fu den eksempre na ini Wi Kownukondre diniwroko. Meki wan fu den owruman hori wan syatu demonstrâsi pe a e gebroiki wan fu den artikel di o hari sma prakseri na ini a kontren drape.
Wiki di e bigin 29 september
10 min: Wan tu sani fu a gemeente. Memre den preikiman fu gi den preikiwroko raportu fu a mun september. Seti sani na fesi so taki wán, noso tu preikiman kan fruteri moi ondrofenitori di e sori fa den ben gi kotoigi na wan okasi na a ten fu a kongres, na ini a fakansi, noso na wan tra okasi.
15 min: Sani di a gemeente abi fanowdu.
20 min: „Wan spesrutu wroko fu prati wan traktaat fu 20 oktober–16 november”.a Efu unu abi den traktaat kaba, dan gi wán na ibri sma na ini a publiki. Te yu e taki fu paragraaf 2, dan taki syatu fu den sani di skrifi na ini a traktaat. Te yu e taki fu paragraaf 4, dan demo fa wan sma kan prati a traktaat. Te yu e taki fu paragraaf 5, dan hori wan demonstrâsi di e sori fa wan preikiman e gebroiki a traktaat fu bigin wan bijbelstudie te a e go baka na wan sma.
Wiki di e bigi 6 oktober
10 min: Wan tu sani fu a gemeente.
15 min: Aksi di opo kon. Takimakandra nanga den arkiman. Taki sosrefi fu den sani di skrifi na ini A Waktitoren fu 15 yuni 2005, bladzijde 20-22, paragraaf 10-16.
20 min: „Leri trawan fu lobi Yehovah”.b Efu nofo ten de, yu kan aksi den arkiman fu taki wan sani fu den bijbeltekst di kari.
[Futuwortu]
a Den sani di yu e taki na a bigin no musu teki moro langa leki wán miniti. Baka dati, go doro nanga wan aksi-nanga-piki takimakandra.
b Den sani di yu e taki na a bigin no musu teki moro langa leki wán miniti. Baka dati, go doro nanga wan aksi-nanga-piki takimakandra.