Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 27 april 2009. A skoro-opziener sa teki 20 miniti fu luku baka san wi ben leri fu den lezing di ben hori na ini den wiki fu 2 maart te go miti 27 april 2009.

1. San wi kan leri fu a fasi fa Yosef ben handri di a kisi fu du nanga tesi ibri dei? (Gen. 39:9) [w04 15/1 blz. 29]

2. Fu san ede tru Kresten no e hori friyari-oso? (Gen. 40:20-22) [bh blz. 157 par. 7]

3. Sortu bun eksempre Yosef gi wi te a abi fu du nanga a gi di wi e gi pardon na den sma di sondu teige wi? (Gen. 45:4, 5) [w99 1/1 blz. 31 par. 2, 3]

4. Yosef ben taki: „Unu no sa libi den dedebonyo fu mi dyaso.” Sortu krakti den wortu disi ben abi tapu sma? (Gen. 50:25) [w07 1/6 blz. 28 par. 10]

5. San kan gi wi deki-ati te wi musu du wan muilek wroko? (Ex. 4:10, 13) [w04 15/3 blz. 25 par. 4]

6. San ben de a bakapisi fu a fasi fa Yehovah handri nanga Farao èn sortu krakti den sani disi musu abi tapu wi? (Ex. 9:13-16) [w05 15/5 blz. 21 par. 8]

7. San den wortu na ini Exodus 14:30, 31 wani taki na ini a ten fu wi? [w04 15/3 blz. 26 par. 5]

8. Soleki fa wi kan leisi na ini Exodus 16:1-3, san kan pasa te sma e krutukrutu? [wO93 15/3 blz. 20 par. 2–blz. 21 par. 2]

9. Na Exodus 19:5, 6, a Wèt Frubontu ben sori taki Israel ben de „wan kownukondre fu priester èn wan santa pipel”. Fu san ede wi kan taki dati? [w95 1/7 blz. 13 par. 8]

10. Na sortu fasi a di fu tin komando di abi fu du nanga bigi-ai, betre moro den wèt di libisma meki? (Ex. 20:17) [w06 15/6 blz. 23, 24 par. 16]