Aksi di opo kon

◼ A fiti te gemeente noso sma e gebroiki a marki di de na tapu a Waktitoren?a

Wan marki na fu meki sma sabi nanga sortu organisâsi den abi fu du. A marki di de na tapu a Waktitoren, na fu a Bijbel en Traktaat Genootschap van Pennsylvania èn sosrefi fu tra korporâsi fu na organisâsi. Na ini Sranan a bijkantoro e gebroiki a nen Gemeente Paramaribo van Jehovah’s Getuigen te den e seni brifi gi gemeente noso lanti. Tapusei fu den brifi yu sa si wan toren èn son leisi wan marki fu wan opo Bijbel.

Den gemeente, noso sma no musu gebroiki a nen noso a marki disi. Den no musu gebroiki den sani dati tu na ini den Kownukondre zaal, na tapu den bord di de na fesisei fu den zaal, na ini brifi, na tapu sani fu densrefi, èn go so moro fara. Dati ben o meki taki lantiman, preikiman, nanga tra sma no sabi efu na a gemeente noso a bijkantoro de frantwortu gi wan sani. Na so a de tu taki, te a marki de na tapu wan brifi, dan sma ben o denki taki so wan brifi komoto fu na edekantoro noso fu a bijkantoro.

A marki di de na tapu a Waktitoren, no mag poti moro na ini den Kownukondre zaal di o bow na ini a ten di e kon, srefi efu a zaal na fu na organisâsi. Den gemeente di abi disi kaba, no abi fu kenki dati wantewante, fu di a kan de so taki dati ben o kostu furu moni, noso den ben o abi fu gebroiki tumusi furu ten nanga krakti fu kenki a sani dati. Ma den gemeente musu luku efu den kan kenki a sani dati efu a no abi so furu wroko. Efu furu wroko musu du fu kenki a sani disi, dan a gemeente kan poti dati na tapu schema te den o seti a zaal kon bun baka.

[Futuwortu]