Sani fu meki bekènti

◼ Februari: A sroto gi wan kolokoe osofamiri. Maart: San Bijbel e leri wi trutru? Meki spesrutu muiti fu bigin wan Bijbelstudie a fosi leisi te yu miti a sma. Efu wan ososma abi a buku kaba èn efu a no wani studeri Bijbel, dan preikiman kan pristeri wan owru tijdschrift noso iniwan brochure di o hari a prakseri fu a sma. April: A Waktitoren nanga Ontwaakt! Efu wan sma wani sabi moro, dan pristeri en a traktaat di nen Yu wani sabi a piki tapu den aksi disi? èn du muiti fu bigin wan Bijbelstudie. Te yu e tyari gobaka na den sma di ben kon na a Memrefesa, noso na tra bigi konmakandra, ma di no abi demakandra nanga a gemeente doronomo, dan meki muiti fu prati a buku San Bijbel e leri wi trutru?, so taki yu kan bigin wan Bijbelstudie nanga den.

◼ A spesrutu lezing di o hori a satra noso a sonde baka a Memrefesa nen „A kaba de moro krosibei leki san yu e denki?”

◼ Efu wan sma wani go na wan kondre di nen no skrifi na tapu a raportu fu a dienstyari fu a yari disi, noso efu na adres no skrifi na tapu a lasti bladzijde fu a lasti Jaarboek, dan grantangi taki nanga a bijkantoro fu yu fu kon sabi nanga sortu sani yu musu luku bun noso fu sabi sortu spesrutu sani yu musu du. A kan de so taki lanti tapu a Kownukondre wroko drape noso taki den poti spesrutu wèt (Mat. 10:16). Na ini son kondre a kan de moro bun efu fisitiman no e suku fu miti den Kotoigi fu a kondre drape noso fu no go na den gemeente. Yu kan kisi tra bodoi di abi fu du nanga okasi preiki noso a tyari fu publikâsi. Efu yu e wroko nanga den bodoi di yu kisi, dan dati sa yepi yu fu no kisi problema di no de fanowdu èn a sa yepi yu fu no meki a Kownukondre wroko kon na ini problema tu.​—1 Kor. 14:33, 40.