Eksempre di yu kan gebroiki

Fa fu bigin Bijbelstudie tapu a fosi satra na ini maart

„Yu denki taki Gado abi wan organisâsi na ini a ten disi, noso yu denki taki a e wroko nanga difrenti sma nomo? [Gi a sma na okasi fu piki.] Luku san na artikel disi e taki fu wan pipel di Gado ben orga furu yari pasa.” Luku bladzijde 26 fu A Waktitoren fu 1 februari èn leisi makandra nanga na ososma san skrifi na ondro a fosi edeprakseri. Leisi sosrefi wan fu den Bijbeltekst di kari. Pristeri den tijdschrift èn seti sani fu go baka na a sma fu gi piki tapu a tra aksi.

A Waktitoren 1 februari

„Na ini den yari no so langa pasa, furu sma taki fu Armagedon. Yu denki taki libisma man du iniwan sani fu meki taki Armagedon no kon? [Gi a sma na okasi fu piki.] Luku pe a wortu ’Armagedon’ komoto. [Leisi Openbaring 16:16. Baka dati sori a sma a kafti fu a tijdschrift.] A tijdschrift disi e sori sortu piki Bijbel e gi tapu den aksi disi.”

Ontwaakt! februari

„Na ini a ten disi furu sma lobi fu taki nanga trawan tapu Internet. Yu denki taki wan sma di e du a sani disi kan abi takru bakapisi? [Gi a sma na okasi fu piki.] Bijbel abi gronprakseri di kan yepi wi so taki sani no e miti wi so makriki te wi e go tapu Internet. [Luku bladzijde 6-9, èn taki fu wan fu den aksi nanga wan Bijbeltekst di kari.] A tijdschrift disi o yepi yu fu si èn wai pasi gi sani di kan meki wi abi takru bakapisi te wi e taki nanga sma tapu Internet.”