Eksempre di yu kan gebroiki

Fa fu bigin Bijbelstudie tapu a fosi satra na ini februari

„Furu sma e bribi taki na Didibri e meki taki so furu ogri de na grontapu. Ma toku den e aksi densrefi: ’Pe Didibri komoto? Na Gado meki en?’ San yu e denki? [Gi a sma na okasi fu piki.] Luku san skrifi dyaso.” Sori a sma na artikel na a lasti bladzijde fu A Waktitoren fu 1 februari, èn luku a fosi paragraaf nanga a Bijbeltekst di kari. Gi a sma a tijdschrift èn seti sani fu go baka na en fu taki fu a piki tapu a tra aksi.

A Waktitoren 1 februari

„Wi wani sabi fa yu e denki fu Moses, wan man di furu Kresten, Dyu nanga Moslim e lespeki. San na a fosi sani di yu e prakseri te yu yere a nen fu en? [Gi a sma na okasi fu piki.] Aladi Moses ben meki fowtu, a moi fu si fa Bijbel e taki fu en. [Leisi Deuteronomium 34:10-12.] A tijdschrift disi e taki fu dri fu den bun fasi fu en èn fa wi kan teki na eksempre fu en.”

Ontwaakt! februari

„Na ini a ten disi furu sma e froisi go na wan tra kondre, fu di den wani abi wan moro bun libi. Yu denki taki ala ten den e feni san den e suku? [Gi a sma na okasi fu piki.]. Srefi na ini owruten, sma ben froisi go na tra kondre. Luku na eksempre disi na ini Genesis. [Leisi Genesis 46:5, 6.] A tijdschrift disi e piki dri aksi.” Sori na ososma den aksi na a kaba fu bladzijde 6.