Eksempre di yu kan gebroiki

Fa fu bigin Bijbelstudie tapu a fosi satra na ini februari

„Wi e si taki sma abi difrenti denki fu Bijbel. Son sma e bribi taki Bijbel na a Wortu fu Gado, ma trawan e si en leki ala tra buku. Fa yu e si a Bijbel?” Gi a sma na okasi fu piki. Sori a sma na artikel na a lasti bladzijde fu A Waktitoren fu 1 februari, èn taki fu den sani di skrifi na a fosi aksi èn taki fu wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 februari

„Furu sma ben o feni en wan moi sani efu feti ben o kaba. Yu denki taki wan dei o kon pe soso freide o de na grontapu? [Gi a sma na okasi fu piki.] Luku san Bijbel pramisi. [Leisi Psalm 46:9.] A moi fu si taki den sani di ben pasa na a fosi grontapu feti èn baka dati, e sori wi krin taki wi kan bribi a sani di Gado pramisi. A pramisi taki dyonsro nowan feti o de moro. A tijdschrift disi e taki fu a tori disi.”

Ontwaakt! februari

„Wi kon na yu tide fu taki fu wan problema di de furu na ini a ten disi. A gersi leki nofo ten no de fu du ala sani di wi wani du. Yu denki taki wi no abi nofo ten, fu di wi wani du tumusi furu, noso fu di wi no e gebroiki wi ten na wan bun fasi? [Gi a sma na okasi fu piki.] Furu sma no sabi taki Bijbel e gi wi rai di kan yepi wi fu gebroiki wi ten na wan bun fasi. Meki wi leisi wan eksempre. [Leisi Filipisma 1:10a.] A tijdschrift disi e taki fu fo sani di wan sma kan du èn di yepi furu sma fu gebroiki den ten na wan moro bun fasi.”