Eksempre di yu kan gebroiki

Fa fu bigin Bijbelstudie tapu a fosi satra na ini oktober

„Sma fu difrenti kondre èn fu difrenti bribi e begi ala dei. Yu denki taki Gado e arki èn e piki ala begi?” Gi a sma na okasi fu piki. Baka dati gi en A Waktitoren fu 1 september. Leisi makandra nanga en den sani di skrifi na ondro a fosi edeprakseri na tapu bladzijde 16 èn sosrefi wan fu den Bijbeltekst di kari. Pristeri den tijdschrift, èn seti sani fu go baka na a sma fu gi piki tapu a tra aksi.

A Waktitoren 1 september

Sori a sma a kafti fu a tijdschrift èn taki: „Fa yu ben o piki na aksi disi? [Gi a sma na okasi fu piki.] Luku san Bijbel e taki. [Leisi 1 Yohanes 5:19.] Soleki fa a tekst disi e sori, dan „na ogriwan”, noso Didibri e tiri grontapu. Ma a sani disi e meki wan tu aksi opo kon. Pe Didibri komoto? En na wan sma di de trutru? O langa Gado o gi en pasi fu tiri? A tijdschrift disi e sori san Bijbel e taki.”

Ontwaakt! oktober

„Wi kon na yu tide fu di wi wani yepi den osofamiri. San yu prakseri na a moro bigi tyalensi di papa nanga mama e kisi te den e kweki den pikin fu den? [Gi a sma na okasi fu piki.] Furu papa nanga mama e suku rai na ini Bijbel. Fu eksempre, den koni wortu disi e yepi fu gi den pikin trangaleri. [Leisi Efeisesma 4:31.] A tijdschrift disi e sori fa den rai na ini Bijbel kan yepi papa nanga mama fu kweki den pikin, fu beibi teleki den kon bigi.”