Eksempre di yu kan gebroiki

Fa fu bigin Bijbelstudie tapu a fosi satra na ini september

„Furu sma e bribi taki engel de. Yu e bribi na ini engel tu? [Gi a sma na okasi fu piki.] Den engel tranga srefisrefi, ma yu denki taki den kan yepi wi? Bijbel e fruteri fa den engel e yepi libisma na ini a ten disi.” Sori a sma a lasti bladzijde fu A Waktitoren fu 1 september. Taki fu den sani di skrifi na a fosi aksi èn taki fu wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 september

„Yu feni taki libisma pori grontapu so te taki a no man kon bun moro? [Gi a sma na okasi fu piki.] Aladi libisma no man meki grontapu kon bun baka, toku Bijbel e taigi wi taki Gado man du dati èn taki a wani du dati tu. Dati na san Psalm 65:9 e pramisi wi. [Leisi en.] A Waktitoren disi e taki fa Gado o sorgu gi grontapu èn fa wi kan kisi den blesi disi na ini a ten di e kon. Efu yu wani, dan yu kan teki en fu leisi.”

Ontwaakt! september

„Furu sma feni taki den basi e meki den wroko tumusi tranga èn den no sabi san fu du. Ondrosukuman e taki dati efu wan sma e wroko tumusi tranga, dan a kan weri so te taki a no man du noti moro, èn a kan kon siki srefi. San yu denki? San kan yepi wan sma fu no wroko so tranga taki a e kon weri tumusi? [Gi a sma na okasi fu piki.] Luku wan moi sani di Bijbel e taki. [Leisi Preikiman 4:6.] A tijdschrift disi e taki fu fo sani di wi kan du fu kon sabi san na den moro prenspari sani, èn san wi kan du fu no wroko so tranga taki wi weri tumusi.”