Eksempre di yu kan gebroiki

Fa fu bigin Bijbelstudie tapu a fosi satra na ini september

„Furu sma e bribi taki wan dei Gado o krutu a fasi fa den e libi. Yu denki taki wi musu frede a Krutudei disi noso wi musu breiti taki a o pasa? [Gi a sma na okasi fu piki.] Luku san a tijdschrift disi e taki.” Gi na ososma A Waktitoren fu 1 september èn taki fu den sani di skrifi na a fosi ondro-edeprakseri na tapu bladzijde 16 èn taki fu awansi wán Bijbeltekst. Gi a sma a tijdschrift èn seti sani fu go baka na en fu taki fu a piki tapu a tra aksi.

A Waktitoren 1 september

„Na ini furu kondre sma e desko umasma èn den no e libi bun nanga den. A de wan sari sani taki son kerki e meki taki disi pasa. Yu denki taki Gado e broko en ede nanga umasma trutru? [Gi a sma na okasi fu piki.] Luku fa Bijbel e taki dati masra musu libi nanga den wefi. [Leisi Efeisesma 5:28, 29.] A tijdschrift disi e sori san Bijbel e taki fu a fasi fa Gado e si umasma.”

Ontwaakt! september

„Furu sma e taki dati wan dei grontapu o kon na wan kaba. Son leisi den e taki dati sma o feti nanga atoombom, wan bigi ston fu hemel o frei kon naki grontapu, noso a weer o kon moro takru na heri grontapu. Yu denki taki den sani o pasa trutru? [Gi a sma na okasi fu piki.] Bijbel e gi a moi pramisi disi. [Leisi Psalm 37:29.] A tijdschrift disi e taki fu wan tu fasi fa sma denki taki grontapu o kon na wan kaba èn a e sori san o pasa trutru na ini a ten di e kon soleki fa Bijbel e taki.”