Wan eksempre gi yongusma nanga owrusma

Noa ben abi wan trutru krosibei matifasi nanga Gado. Ala ten a ben e meki furu muiti fu du a wani fu Yehovah. A „ben e waka nanga a tru Gado”, èn fu dati ede a ben kisi blesi. Noa na wan heri moi eksempre gi yongusma èn gi owrusma (Gen. 6:9). A video di nen Noach​—Hij wandelde met God (Noa​—A ben e waka nanga Gado) sa yepi yu fu prakseri fa a libi fu Noa ben de, fu san ede a fiti taki a ben kisi a blesi fu Yehovah, èn fa yu kan sori den srefi bun fasi di a ben sori.

Tapu a Noa-DVD yu abi den aksi di yu kan leisi dyaso. Luku a felem, èn piki den aksi gi yusrefi: (1) Sortu ogri son engel du, èn suma ben de den Neifilim? (Gen. 6:1, 2, 4) (2) Fu san ede libisma ben kon de so ogri, èn fa dati ben meki Gado firi? (Gen. 6:4-6) (3) Fa Noa ben de tra fasi leki den tra sma? (Gen. 6:22) (4) Fa den ogrisma kisi pori? (Gen. 6:17) (5) O bigi na ark ben de? (Gen. 6:15) (6) Sortu tra sani Noa ben du, èn fa sma ben e denki fu dati? (Mat. 24:38, 39; 2 Petr. 2:5) (7) Omeni fu ibri sortu meti ben de na ini na ark? (Gen. 7:2, 3, 8, 9) (8) O langa alen fadon, èn o langa a frudu ben de na heri grontapu? (Gen. 7:11, 12; 8:3, 4) (9) Fu san ede Noa nanga en osofamiri ben tan na libi? (Gen. 6:18, 22; 7:5) (10) Pe na ark go fasi? (Gen. 8:4) (11) Fa Noa ben sabi taki a ben kan komoto na ini na ark? (Gen. 8:6-12) (12) San Noa du di a komoto na ini na ark? (Gen. 8:20-22) (13) San na alenbo e prenki? (Gen. 9:8-16) (14) San a wani taki fu ’waka nanga Gado’? (Gen. 6:9, 22; 7:5) (15) San wi musu du efu wi wani si Noa na ini a Paradijs? (Mat. 28:19, 20; 1 Petr. 2:21)

Noa ben tan getrow èn a gi yesi na Gado. Fa na eksempre fu en leri yu fu ’waka nanga Gado’ èn fu abi a frutrow taki Yehovah sa frulusu en pipel na ini a ten disi tu?​​—Gen. 7:1; Odo 10:16; Hebr. 11:7; 2 Petr. 2:9.