Eksempre di yu kan gebroiki

Kownukondre nyunsu nr. 38

„Mi e yepi du wan wroko di e du na heri grontapu fu tyari a prenspari boskopu disi gi ala sma. A traktaat disi na fu yu.”

Hori na prakseri: Fu man wroko a heri kontren fu yu, a ben o bun fu taki syatu nanga na ososma. Ma son leisi na ososma e sori taki a wani sabi moro èn a wani taki moro langa nanga yu. Efu a wani sabi moro, dan yu kan aksi en san a e denki fu na aksi di skrifi na fesisei fu a traktaat. Baka dati yu kan leisi a piki fu Bijbel di skrifi na inisei fu a traktaat èn taki fu wan pisi fu a traktaat efu nofo ten de. Fosi yu gowe, sori en na aksi di skrifi na ondrosei fu „Prakseri fu a sani disi”, èn sreka sani fu kon baka fu taki fu na aksi disi.

A Waktitoren 1 november

„Sortu bigi lei yu denki taki sma ben e fruteri fu Gado? [Gi a sma na okasi fu piki.] Bijbel e sori taki Gado wani taki sma musu lobi en èn den musu frutrow en. [Leisi Yesaya 41:13.] A tijdschrift disi e taki fu dri lei di sma gwenti fruteri fu Gado èn di e meki taki a muilek gi sma fu lobi en.”

Ontwaakt! november

„Wi e kon na sma oso fu di furu sma e broko den ede taki sma no abi bun maniri moro. Yu feni taki libisma no e libi moro na wan fasi di fiti? [Gi a sma na okasi fu piki.] Bijbel ben taki na fesi taki sma no ben o tyari densrefi na wan bun fasi moro èn taki den no ben o abi maniri moro. [Leisi 2 Timoteyus 3:​1-5.] A tijdschrift disi e taki fu san ede a bun fu tyari wisrefi soleki fa Bijbel e taki.”