Eksempre di yu kan gebroiki

Fa fu bigin Bijbelstudie tapu a fosi satra na ini december

„Wi e kon na sma fu di wi wani yepi den nanga den osofamiri. Furu papa nanga mama wani taki den pikin fu den musu lobi Gado. Yu denki taki na papa nanga mama musu leri den pikin fu lobi Gado, noso taki den pikin srefi musu leri dati?” Gi a sma na okasi fu piki. Sori a sma a lasti bladzijde fu A Waktitoren fu 1 december. Taki fu den sani di skrifi na a fosi aksi èn taki fu wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 december

„Wi e kon na sma fu taki syatu nanga den fu Gado. Wi sabi taki ala sma abi en eigi denki fu Gado. Yu denki taki furu sma e si Gado leki wan krakti noso leki wan mati di e broko en ede nanga ibri sma? [Gi a sma na okasi fu piki.] A Bijbeltekst disi e taigi wi san Gado wani taki wi musu du. [Leisi Yakobus 4:8a.] A tijdschrift disi e taki fu dri sani di wi kan du fu kon moro krosibei na Gado.”

Ontwaakt! december

„Wi e taki nanga sma fu wan problema di de furu na ini a ten disi. Dati na taki moro nanga moro sma e siki na frustan sei. Na organisâsi fu gosontu afersi na heri grontapu e taki dati wán fu ibri fo sma o kisi siki soleki depressie. San yu e denki fu a tori disi? [Gi a sma na okasi fu piki.] Bijbel e gi wi a howpu taki na ini a ten di e kon pen nanga siki no o de moro na grontapu. [Leisi Openbaring 21:3, 4.] A tijdschrift disi e taki fu wan tu sani di ala sma musu sabi fu den siki disi.”