Syatu luku fu a Theokrasia Diniwroko-skoro
Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 26 oktober 2015.
Fa a tori na ini 2 Kownu 13:18, 19 e sori taki a prenspari fu de fayafaya na ini a diniwroko fu Gado èn fu du en nanga wi heri ati? [7 sep., w10 15/4 blz. 26 par. 11]
Suma ben e tiri Israel na a ten di Yona ben de wan profeiti èn san wi e kon sabi fu a wroko fu Yona te wi e leisi 2 Kownu 14:23-25? [7 sep., w09 1/1 blz. 25 par. 4]
Fa Akas sori taki a no ben poti frutrow na ini den sani di Gado meki a profeiti Yesaya taigi en, èn san wi kan aksi wisrefi te wi musu teki prenspari bosroiti? (2 Kow. 16:7) [14 sep., w13 15/11 blz. 17 par. 5]
Fa feanti fu Gado pipel na ini a ten disi e gebroiki den srefi triki leki Rabsakei, èn san o yepi wi fu no bribi den? (2 Kow. 18:22, 25) [14 sep., w10 15/7 blz. 13 par. 3, 4]
Fa na eksempre fu Yosia kan yepi wi fu kisi moro wini te wi e leisi èn te wi e studeri Bijbel? (2 Kow. 22:19, 20) [21 sep., w00 1/3 blz. 30 par. 2]
Fa sabiman di e ondrosuku owruten sani buweisi taki den tu kownu di kari na 2 Kownu 25:27-30 ben de trutru? [28 sep., w12 1/6 blz. 5 par. 2, 3]
San Yabes begi Yehovah èn san a tori disi e leri wi fu begi? (1 Kron. 4:9, 10) [5 okt., w05 1/10 blz. 9 par. 6]
Fa wi e kisi deki-ati fu tan feti nanga den feanti fu wi te wi e luku fa a feti waka di skrifi na ini 1 Kroniki 5:18-22? [12 okt., w05 1/10 blz. 9 par. 7]
Fu san ede David ben man frustan èn lespeki a wet fu Yehovah di e taki dati brudu na wan santa sani, èn fa wi kan teki na eksempre fu David? (1 Kron. 11:17-19) [19 okt., w12 15/11 blz. 6, 7 par. 12-14]
San David no du di a ben wani tyari na arki fu a frubontu go na Yerusalem, èn sortu prenspari sani wi e leri fu a tori disi? (1 Kron. 15:13) [26 okt., w03 1/5 blz. 10, 11 par. 11-13]