Gado Wortu abi krakti tapu yu aladei libi?

Te wi e leisi Bijbel ibri dei, dan dati kan yepi wi fu tanapu steifi èn fu abi wan tranga bribi (Kol. 2:6, 7). Ma efu wi wani taki Yehovah en Wortu abi krakti tapu wi libi, dan wi musu denki dipi fu den sani di wi leri èn wi musu fiti den na ini wi libi (Hebr. 4:12; Yak. 1:22-25). Yosua 1:8 e sori dri bun sani di wi kan du te wi e leisi Bijbel: (1) Leisi Gado Wortu „dei nanga neti”. (2) Leisi en „nanga wan safri sten”. Disi wani taki dati yu no musu leisi tumusi gaw, ma yu musu leisi na so wan fasi taki yu man denki dipi fu den sani di yu leisi. Boiti dati, pruberi fu si na yu fesi fa sani ben de na a ten dati. (3) Meki muiti fu „du ala den sani di skrifi na ini”. Te wi e teki den rai disi, dan „sani o waka bun” nanga wi èn wi o „handri nanga koni” na ini wi aladei libi.