Fa fu du wi diniwroko moro bun—Leri den Bijbelstudenti fu studeri bun

Fu san ede a prenspari: Efu den Bijbelstudenti wani abi wan tranga bribi, dan den no musu frustan den prenspari leri fu Gado Wortu nomo, ma den musu leri den dipi sani tu èn den sani dati musu doro den ati (Hebr. 5:12–6:1). Wan sma di e studeri musu teki ten èn a musu meki muiti fu studeri bun. Disi wani taki dati a musu luku san den sani di a sabi kaba abi fu du nanga den nyun sani di a e leri. A musu luku tu fa fu fiti den sani dati na ini en aladei libi (Odo 2:1-6). Te den Bijbelstudenti e leri fu ondrosuku sani moro fara, dan den o man gebroiki den buku fu wi fu gi piki tapu aksi fu Bijbel. A muiti di den e meki fu du san den leri o meki taki den o man tanapu kánkan te tesi miti den.—Luk. 6:47, 48.