Eksempre gi a preikiwroko

A WAKTITOREN

Aksi: Efu Bijbel kon fu Gado, dan yu no feni taki a musu tan bun awinsi san sma du fu pori en?

Tekst: Yes 40:8

Taki: Den artikel disi e sori na wan heri moi fasi fa Bijbel tan bun te na ini a ten fu wi.

A WAKTITOREN (lasti bladzijde)

Aksi: Mi wani sabi fa yu e denki fu na aksi disi. [Leisi a fosi aksi na tapu bladzijde 16.] Son sma e bribi taki na libisma kon nanga a denki fu anbegi wan gado. Tra sma e denki taki na Gado wani taki libisma anbegi en fu kan tron en mati. San yu e denki?

Tekst: Yak 1:27

Taki: Na artikel disi e sori moro fara san Bijbel e taki fu a tori disi. Mi wani kon na yu wan tra leisi fu taki fu na artikel.

GADO ABI BUN NYUNSU GI YU!

Aksi: Furu sma feni taki te den e leisi den profeititori na ini Bijbel, a gersi leki den e leisi wan koranti fu a ten disi. Sortuwan fu den sani disi yu si e pasa noso fu sortuwan yu yere?

Tekst: 2Ti 3:1-5

Taki: A brochure disi e sori fu san ede den sani disi na bun nyunsu gi sma di lobi Gado. [Poti prakseri na les 1, aksi 2.]

SKRIFI SAN YU SREFI WANI TAKI

Luku den eksempre di kari na fesi fu skrifi san yu srefi wani taki.