San yu musu du te yu miti wan pikin na oso?

Te wi e miti wan pikin na oso, dan wi musu aksi en efu wi kan taki nanga en mama noso papa. Disi e sori taki wi abi lespeki gi den leki papa nanga mama (Odo 6:20). Efu a pikin e aksi wi fu kon na inisei, dan wi no musu du dati. Efu en papa nanga mama no de, dan wi musu go baka wan tra leisi.

Awansi a pikin bigi kaba, kande a abi sowan 15 te go miti 19 yari, toku wi musu aksi fu taki nanga en papa noso mama. Efu den no man kon, dan wi kan aksi a pikin efu en papa nanga mama ben o feni en bun efu wi gi en wan sani fu leisi. Efu den ben o feni dati bun, dan wi kan gi en wan buku noso wi kan sori en san de tapu jw.org.

Te yu e tyari wan gobaka na wan yonguwan di wani sabi moro, dan wi musu aksi en efu wi kan taki nanga en papa noso mama. Na so wi o man fruteri den fu san ede wi kon na den oso èn wi o man sori den a bun rai di Bijbel abi gi osofamiri (Ps 119:86, 138). Te wi e sori lespeki gi den papa nanga mama èn te wi e hori den na prakseri, dan den o si taki wi abi bun maniri. Na so wi kan feni tra okasi fu preiki a bun nyunsu gi a famiri.​—1Pe 2:12.