Prisiri nanga a howpu di yu abi

Howpu de leki wan ankra (Heb 6:19). A e yepi wi fu no lasi bribi te wi e kisi tesi di wi kan agersi nanga wan krasi se (1Ti 1:18, 19). Den tesi disi kan de den fowtu di wi e meki, gudu di wi e lasi, wan siki di wi abi wan heri pisi ten kaba, wan lobiwan fu wi di dede noso iniwan tra sani di kan meki en muilek gi wi fu tai hori na Yehovah.

Bribi nanga howpu e meki taki wi man si a pai di wi o kisi (2Kor 4:16-18; Heb 11:13, 26, 27). Sobun, awinsi wi abi a howpu fu libi na hemel noso na grontapu, wi musu sorgu taki a howpu fu wi tan tranga. Wi kan du dati te wi abi a gwenti fu denki dipi fu den sani di Gado pramisi na ini en Wortu. Dan te wi e kisi hebi tesi, wi o man tan de nanga prisiri.​—1Pe 1:6, 7.

LUKU A FELEM PRISIRI NANGA A HOWPU DI WI ABI. BAKA DATI PIKI DEN AKSI DISI:

• Fu san ede Moses na wan bun eksempre gi wi?

• Sortu frantwortu osofamiri-edeman abi?

• Fu sortu tori yu kan taki na a Osofamiri Anbegi?

• Fa howpu kan yepi yu fu no bruya te yu e kisi tesi?

• San yu e angri fu si na ini a ten di e kon?