MWBR17 03 Verwijzing gi Wi Kresten libi nanga a preikiwroko studie-buku

20-​26 MAART

GUDU NA INI GADO WORTU | YEREMIA 8-​11

„Libisma kan abi bun bakapisi soso te Yehovah e tiri den”

(Yeremia 10:​2-5) Disi na san Yehovah taki: „Un no musu du nowan sani di den tra pipel e du. No frede den sani di unu e si na hemel, soso fu di den tra pipel e frede den. Bika den sani di den tra pipel gwenti du na fu soso. Den e koti wan bon na busi, èn nanga wan beitri den e meki popki fu anbegi den. Den e meki den popki kon moi nanga solfru èn nanga gowtu. Nanga amra den e spikri den fu fasi den, so taki den no seki. Den de leki den popki di sma e poti na den komkomro-gron fu skreki fowru. Den no man taki èn den no man waka. Na sma abi fu tyari den go poti na wan presi. No frede den, bika den no man du unu nowan ogri, èn boiti dati, den no man du nowan bun.”

(Yeremia 10:​14, 15) Nowan sma abi sabi. Dati meki den e tyari densrefi na wan don fasi. Ibriwan fu den smeti o syen gi a popki di a meki, fu di a popki na wan soso sani èn a no abi libi. Den na soso sani. Sma o spotu den. Te Gado o strafu den, den o dede.

it-1 555

Komkomro

Den Israelsma ben gwenti poti pilari, postu noso tra sani na ini den gron fu den fu skreki meti. Yeremia ben taki dati den falsi gado fu den tra kondre ben de leki „den popki di sma e poti na den komkomro-gron fu skreki fowru”. A ben sabi taki den gado disi no abi libi.​—Yer 10:​5.