MWBR17 10 Verwijzing gi Wi Kresten libi nanga a preikiwroko studie-buku

2-8 OKTOBER

GUDU NA INI GADO WORTU | DANIÈL 7-9

„A profeititori fu Danièl ben taki na fesi taki a Mesias ben o kon”

(Danièl 9:24) Seibitenti wiki de di Gado poti gi yu pipel èn gi a santa foto fu yu. Na ini a pisi ten dati, ogri nanga sondu o kon na wan kaba. A o de a ten sosrefi fu meki sma kisi pardon fu den sondu fu den èn fu tyari retidu kon fu têgo. Na ini a pisi ten dati, wan stampu o poti na tapu den fisyun èn na tapu den profeititori fu sori sma taki den tru. Boiti dati, Gado o salfu a Moro Santa Presi na a ten dati tu.

it-2-O 1342 ¶4

Seibitenti wiki

Ogri nanga sondu kon na wan kaba. Di Yesus go na hemel, baka di a kisi wan opobaka, dan a meki taki ’ogri nanga sondu kon na wan kaba èn taki sma kan kisi pardon fu den sondu fu den’ (Da 9:24). A Wetfrubontu ben e sori taki den Dyu ben e du sondu èn a ben e krutu den. Fluku ben kon na den tapu fu di den no ben man hori densrefi na a frubontu disi. Ma te a Wet tyari kon na krin taki sma e du „furu” sondu, dan Gado e sori moro sari-ati tu nanga yepi fu a Mesias (Ro 5:20). Na ofrandi fu a Mesias meki taki Gado kan gi sma pardon te den sori berow fu den sondu èn a no e strafu den moro.