WI KRESTEN LIBI
„Puru den gado fu den trakondre sma na un mindri”
Yakob ben sabi taki a musu anbegi Yehovah wawan, aladi wan wet no ben de ete taki sma no musu anbegi tra gado (Eks 20:3-5). Sobun, di Yehovah taigi Yakob fu drai go baka na Betel, Yakob taigi ala sma di ben de nanga en fu puru den falsi gado fu den na den mindri. Baka dati, Yakob beri den falsi gado makandra nanga den yesilinga di den sma fu en ben e weri leki tapu kande (Ge 35:1-4). A no de fu taki dati Yehovah ben breiti nanga den sani di Yakob du.
Fa wi na ini a ten disi kan sori taki wi e dini Yehovah wawan? Wan prenspari sani di wi musu du na fu luku bun nanga afkodrei noso nanga sani di abi fu du nanga ogri yeye. Disi wani taki dati wi musu trowe iniwan sani di abi fu du nanga ogri yeye èn wi musu luku bun sortu sani wi e leisi, arki, noso luku. Aksi yusrefi: ’Mi lobi buku noso felem di abi fu du nanga asema, zombie, noso tra spuku tori? Den sani di mi e leisi, arki, noso luku e meki a gersi leki na wan gewoon sani te sma e bonu, e taki mofo, noso e fluku trawan?’ Wi musu tan fara fu iniwan sani di Yehovah no lobi.—Ps 97:10.
LUKU A FELEM KAKAFUTU GI DIDIBRI. BAKA DATI, PIKI DEN AKSI DISI:
Sortu problema a Bijbelstudenti Palesa kisi na ini en libi?
Fu san ede a bun fu suku yepi na den owruman te yu, wan sma di yu sabi, noso wan Bijbelstudenti abi problema nanga ogri yeye?
Kakafutu gi Didibri èn kon krosibei na Gado.—Yak 4:7, 8
Efu wi wani taki Yehovah kibri wi, dan sortu sani wi no musu du moro?
San Palesa du wantewante?
San na wan tu sani di yu kan du fu sorgu taki den ogri yeye no abi krakti na yu tapu?