Yu kan preiki èn gi leri!

Di Yehovah gi Moses a wroko fu go na Egepte, a ben denki taki a no ben o man du en bun (Eks 4:10, 13). Oiti yu ben firi so? Yu e studeri Bijbel nanga Yehovah Kotoigi? Yu e aksi yusrefi efu oiti yu o man preiki oso fu oso? Yu na wan yonguwan di e frede fu preiki na skoro? Noso yu e frede fu preiki nanga yepi fu telefon noso na presi pe furu sma de? Begi Yehovah fu gi yu krakti nanga yepi fu en santa yeye (1Pe 4:11). Frutrow tapu Yehovah taki a o yepi yu fu du iniwan wroko di a gi yu fu du.​—Eks 4:11, 12.

LUKU A FELEM ABI DEKI-ATI . . . PREIKIMAN, DAN PIKI DEN AKSI DISI:

• Sortu problema sisa Aoyama ben abi?

• Pe a feni krakti nanga deki-ati?​—Yer 20:7-9

• Sortu wini a kisi di a bosroiti fu du moro gi Yehovah?

• Nanga sortu problema di kan miti yu na ini a preikiwroko Yehovah kan yepi yu