A ten te wi o kon fri nanga yepi fu Gado nanga Krestes

Sortu sani e gi yu broko-ede? Yu musu du furu muiti fu sorgu gi yu osofamiri? Na yu wawan musu sorgu gi yu osofamiri na ini a muilek ten disi? Yu na wan yonguwan di trawan e dreigi na skoro? Yu e kon owru noso yu abi problema nanga yu gosontu? Ala sma abi wan sani di e gi en broko-ede. Son wan fu wi abi moro leki wan fu den problema disi. Ma wi sabi taki heri esi Yehovah o puru den problema disi gi wi.​—2Kor 4:16-18.

Aladi a ten dati no doro ete, toku a de wan trowstu gi wi fu sabi taki Yehovah e frustan fa wi e firi, a e warderi a muiti di wi e meki fu horidoro èn a abi furu bun sani na prakseri gi wi (Yer 29:11, 12). Yesus srefi e broko en ede nanga wi. Wi kan de seiker taki „a o de nanga wi” te wi e tan du wi diniwroko (Mt 28:20). Te wi e teki ten fu denki dipi fu a fasi fa Gado Kownukondre o meki wi kon fri, dan wi o abi a fasti bosroiti fu horidoro awinsi san e miti wi.​—Ro 8:19-21.

LUKU A FELEM TAN POTI PRAKSERI NA YESUS TE A BIGI WINTI O WAI!​—BLESI DI A KOWNUKONDRE O TYARI KON. BAKA DATI PIKI DEN AKSI DISI:

• Fa a du kon taki a matifasi fu libisma nanga Gado kon pori, èn san na a bakapisi fu dati?

• Fa a libi o de gi den sma di e tai hori na Yehovah?

• Fa a libi disi o du kon?

• Sortu blesi yu e angri fu kisi na ini a nyun grontapu?