Luku bun suma yu e teki leki mati

A sani di ben pasa nanga den Israelsma na ini Moab-sabana na wan warskow gi wi na ini a ten disi (1Kor 10:6, 8, 11). Den uma fu Moab kori den Israelsma di ben e moksi nanga den. Den uma disi ben e anbegi falsi Gado èn den ben e du furu morsu sani. A sani disi tyari furu takru bakapisi gi den Israelsma (Nu 25:9). Na ini a ten disi wi e miti sma na wrokope, na skoro, birtisma, famiri nanga tra sma di no e dini Yehovah. Fa a tori disi kan yepi wi fu luku bun nanga suma wi e moksi?

LUKU A FELEM EKSEMPRE DI DE WAN WARSKOW GI A TEN FU WI​—WAN SYATU PISI. BAKA DATI PIKI DEN AKSI DISI:

• 

  San Simri nanga den trawan ben taigi Yamin?

• 

  Fa Pinehas ben yepi Yamin fu si sani na a yoisti fasi?

• San a wani taki fu sori switifasi gi wan sma di no e dini Yehovah, èn san a wani taki fu de en mati?

• Fu san ede wi musu luku bun suma wi e teki leki bun mati srefi na ini a gemeente?

• Fu san ede wi musu luku bun nanga chat grupu tapu Internet pe wi kan miti sma di wi no sabi?