Gebroiki a buku Yu kan de koloku fu têgo! fu tranga sma bribi na ini Yehovah nanga Yesus

Efu den Bijbelstudie wani taki Gado feni den bun, dan den musu abi wan tranga bribi (Heb 11:6). Wi kan gebroiki a Yu kan de koloku fu têgo!-buku fu du disi. A buku disi e taki sani krin, a abi prenspari Bijbeltekst, bun aksi, moi prenki nanga felem di o naki na ati fu den studie. Te wi e yepi den Bijbelstudie fu de bun mati fu Yehovah èn fu kweki moi fasi di a wani taki wi abi, dan wi e bow tapu wan fondamenti di o tan.​—1Kor 3:12-15.

A muilek gi son sma fu frustan taki den kan tron wan mati fu Gado, fu di den no e si en. Dati meki wi musu yepi den fu kon frustan fa Yehovah de èn fu frutrow en.

LUKU A FELEM GEBROIKI A BUKU „YU KAN DE KOLOKU FU TÊGO!” FU TRANGA SMA BRIBI NA INI YEHOVAH. BAKA DATI PIKI DEN AKSI DISI:

• Fa wi du sabi taki a sisa sreka ensrefi bun gi a studie?

• Fa a gebroiki wan tu ekstra aksi fu yepi a Bijbelstudie fu taki fa a e denki fu Yesaya 41:10, 13?

• Sortu krakti a felem nanga den Bijbeltekst ben abi tapu a studie?

Furu sma no e frustan san na a lusu-paiman noso den no e si en leki wan kado di Gado gi ibriwan fu wi (Ga 2:20). Dati meki wi musu yepi den fu abi wan tranga bribi na ini a lusu-paiman fu Yesus.

LUKU A FELEM GEBROIKI A BUKU „YU KAN DE KOLOKU FU TÊGO!” FU TRANGA SMA BRIBI NA INI YESUS. BAKA DATI PIKI DEN AKSI DISI:

• Fa wi du sabi taki a brada sreka ensrefi bun gi a studie?

• Fa a gebroiki a pisi „Tra sani di yu kan luku” fu yepi a studie?

• Fu san ede a prenspari fu begi gi a studie?