Gebroiki a Koloku fu têgo!-buku nanga brochure na ini a preikiwroko

Wi breiti srefisrefi taki wi abi wan nyun buku nanga brochure fu studeri nanga sma. Wi e begi Yehovah fu blesi a muiti di wi e meki fu meki moro disipel (Mt 28:18-20; 1Kor 3:6-9). Fa wi musu gebroiki den nyun sani disi?

A buku Yu kan de koloku fu têgo!, na wan nyun fasi fu studeer Bijbel nanga sma. Te yu e sreka yusrefi fu studeri nanga wan sma, dan du den sani disi.a

• Leisi a les èn taki fu den aksi

• Leisi den tekst di skrifi nanga fatu letter èn yepi a studenti fu frustan fa a kan fiti den tekst disi na ini en libi

• Prei den felem èn taki fu den, gebroiki den aksi di de na ini a les

• Du muiti fu kaba wan les ibri leisi te unu e studeer

Te yu de na ini a preikiwroko dan gi a sma a brochure fosi, fu kan sabi efu a wani sabi moro. (Luku a faki „Fa yu kan gi wan sma a Koloku fu têgo!-brochure na a fosi takimakandra.”) Efu yu kaba studeer a brochure nanga wan sma en a wani sabi moro, dan gi en a buku èn bigin nanga a studie na les 04. Efu yu ben e studeer kaba nanga wan sma na ini a Leri wi-buku noso a Meki Gado tan lobi yu-buku, dan abra go na a Koloku fu têgo!-buku en luku pe unu kan bigin.

LUKU A FELEM WI BREITI TAKI YU WANI STUDERI BIJBEL. BAKA DATI PIKI DEN AKSI DISI:

• San den Bijbelstudie o leri na ini a nyun buku disi?

• Fu san ede yu musu meki den luku a felem disi?

• Sortu deki-ati yu kan gi a studie?​—Luku a faki „San wi o luku” èn „Yu kan du a sani disi”