Yu e du muiti fu si fa Yehovah e piki den begi fu yu?

Bijbel abi furu eksempre di e sori taki Yehovah e piki den begi fu wi. Wi de seiker taki a ben e tranga a bribi fu den futuboi fu Gado, te den ben si fa a ben e arki den problema fu den èn fa a ben e yepi den. Fu dati ede a bun fu fruteri Yehovah finifini san de tapu wi ati te wi e begi èn pruberi fu frustan fa Yehovah e piki den begi fu wi. Hori na prakseri taki a piki fu en kan de tra fasi leki san wi ben aksi noso moro leki san wi ben fruwakti (2Kor 12:7-9; Ef 3:20). San Yehovah kan du fu gi piki tapu den begi fu wi?

• Krakti, wan korostu firi nanga bribi, na san Yehovah e gi wi fu man horidoro te wi abi problema.​—Fp 4:13

• Koni fu teki bun bosroiti.​—Yak 1:5

• A wani nanga a krakti fu du wan sani.​—Fp 2:13

• Wan korostu firi te wi abi broko-ede.​—Fp 4:6, 7

• Tra sma di e yepi wi nanga san wi abi fanowdu noso di e trowstu wi èn e gi wi deki-ati.​—1Yh 3:17, 18

• Yepi gi den wan di wi e hori na prakseri te wi e begi.​—Tori 12:5, 11

LUKU A FELEM YEHOVAH NA A SMA DI E „ARKI BEGI.” BAKA DATI PIKI DEN AKSI DISI:

• Fa na ondrofenitori fu brada Shimizu kan gi wi deki-ati te wi no man du so furu moro fu di wi kon siki?

• Fa wi kan teki na eksempre fu brada Shimizu?