WI KRESTEN LIBI
Tranga yu bribi na ini Gado Wortu
Gado Wortu kan kenki wi libi (Heb 4:12). Ma efu wi wani kisi wini fu den bun rai na ini Bijbel, dan wi musu bribi trutru taki a de „a wortu fu Gado” (1Te 2:13). Fa wi kan tranga wi bribi na ini Bijbel?
Leisi wan pisi fu Bijbel ibri dei. Te yu e leisi, dan suku buweisi di e sori taki Yehovah na a Skrifiman. Fu eksempre, yu kan poti prakseri na den rai di de fu feni na ini a buku Odo èn luku fa wi kan gebroiki den na ini wi libi.—Odo 13:20; 14:30.
Studeri wan spesrutu tori na ini Bijbel. Du muiti fu kon sabi den buweisi di e sori taki na Gado meki sma skrifi Bijbel. Na ini a buku Ondrosuku Bijbel moro fini—Gi Yehovah Kotoigi na ini Bakratongo (Studiehulp voor Yehovah’s Getuigen), yu kan go na a tori „De Bijbel”, dan go na „Door God geinspireerd.” Efu yu ondrosuku den sani di skrifi na ini na artikel „Sma ben wani kenki a boskopu fu Bijbel” na ini A Waktitoren nomru 4 fu 2016 bladzijde 6 nanga 7, dan yu o kon abi a tranga bribi tu taki den leri na ini Bijbel no kenki.
LUKU A FELEM FU SAN EDE WI E BRIBI TAKI . . . BIJBEL NA GADO WORTU. BAKA DATI PIKI DEN AKSI DISI:
Fa den sani di skrifi na a skotu fu a tempel na Karnak na ini Egepte e sori taki Gado Wortu e taki san tru?
Fa wi du sabi taki a boskopu fu Bijbel no kenki?
Nowan sma ben man pori a Bijbel. Fa dati e sori yu taki Bijbel na Gado Wortu?—Leisi Yesaya 40:8