Verwijzing gi Wi Kresten libi nanga a preikiwroko studie-buku

© 2023 Watch Tower Bible and Tract Society of Pennsylvania

1-7 YANUARI

GUDU NA INI GADO WORTU | YOB 32-33

Trowstu den wan di e firi brokosaka

it-1-O 618

Elihu

Elihu no ben e teki sei èn a no ben e gi sma grani te a no ben de fanowdu. A ben e frustan taki a ben meki fu doti neleki Yob èn taki na Almaktiwan ben de en Mekiman. Elihu no ben abi na prakseri fu meki Yob frede. Ma tra fasi leki Elifas, Bildad nanga Sofar, Elihu ben taki nanga Yob leki wan trutru mati èn a ben kari en srefi na en nen.​—Yob 32:21, 22; 33:1, 6.

15-21 YANUARI

GUDU NA INI GADO WORTU | YOB 36-37

Fu san ede yu kan bribi taki Gado o gi yu têgo libi?

Diki moro dipi

it-1 446

Komunikâsi

Na ini owruten nyunsu ben e prati fu a wan presi go na a trawan na difrenti fasi. Sma ben e fruteri nyunsu fu a kondre nanga trakondre nyunsu na makandra (2Sa 3:17, 19; Yob 37:20). Sma di ben e go fu a wan presi na a trawan nanga wan sortu wagi di yu kan libi na ini, ben e fruteri nyunsu fu farawe kondre na den presi pe den ben e stop fu bai nyanyan, watra nanga tra sani di den ben abi fanowdu na sei pasi. Fu di Palestina ben de na wan presi pe sma ben kan waka fu doro makriki na Asia, Afrika nanga Europa meki furu sma di ben e waka nanga a sortu wagi di yu kan libi na ini ben e miti drape. Na so fasi den sma di ben e libi na ini Palestina ben e kon sabi prenspari sani di ben e pasa na ini den tra kondre. Furu tron, sma ben kan yere nyunsu fu a kondre nanga trakondre nyunsu na wowoyo tu.

22-28 YANUARI

GUDU NA INI GADO WORTU | YOB 38-39

Yu e meki ten fu poti prakseri na den sani di Yehovah meki?

Diki moro dipi

it-2-O 1266

A sma di e gi wet

Yehovah a sma di e gi wet. Yehovah na a wan enkri sma di abi a leti fu gi wet na grontapu nanga hemel. Na en poti wet gi den mekisani na grontapu (Yob 38:4-38; Ps 104:5-19), nanga a fasi fa den meti e libi (Yob 39:1-30). Srefi libisma di de wan mekisani fu Yehovah musu hori densrefi na den wet fu Gado. Èn fu di libisma na wan mekisani di abi frustan meki den man denki go denki kon, den man anbegi Gado èn hori densrefi na den wet fu en (Ro 12:1; 1Kor 2:14-16). Moro fara, den wet fu Yehovah de sosrefi gi den yeye mekisani fu en, sobun de engel.​—Ps 103:20; 2Pe 2:4, 11.

Nowan sma no man kenki den wet di Yehovah poti gi grontapu nanga hemel (Yer 33:20, 21). Na ala sei fu grontapu pe sma man si den sani di Yehovah meki, den wet fu en bun trutru èn wi kan frutrow den. Fu di sabiman sabi den wet disi, meki na ini wan tu seconde nomo den man sabi fa a mun, den planeiti nanga den tra sani na hemel e bewegi. Te wan sma du wan sani di no de akruderi den wet di Gado poti gi hemel nanga grontapu, dan den e frustan wantewante taki den no kan du dati sondro fu kisi takru bakapisi. Na so a de tu nanga den tra wet fu Gado, den no man kenki èn sma no man psa den wet fu en sondro fu kisi strafu. Kande wi no o kisi strafu wantewante te wi psa den wet disi, ma den de a srefi leki den wet di Gado poti gi hemel nanga grontapu. „Gado no e meki sma spotu en. Bika san wan sma e sai, na dati a sa koti tu.”​—Ga 6:7; 1Ti 5:24.

29 YANUARI–4 FEBRUARI

GUDU NA INI GADO WORTU | YOB 40-42

Sani di wi kan leri fu den sani di pasa nanga Yob

Diki moro dipi

it-2-O 915

Spotu

Yob ben de wan reti-ati man èn alaten a ben e du moiti fu du san reti winsi sma ben spotu en. Ma safrisafri a no ben si sani na wan bun fasi moro, dati meki te fu kba a meki wan fowtu èn a kisi piri-ai fu dati. Elihu ben taki fu en: „Sortu sma de leki Yob? Te sma e spotu en, a e dringi dati leki watra” (Yob 34:7). Yob ben e broko en ede moro nanga a retidu fu en na presi fu broko en ede nanga a retidu fu Gado, èn a prèise ensrefi na presi fu Gado (Yob 35:2; 36:24). Di den dri „falsi mati” fu Yob ben e spotu en, dan a ben e si leki na en den ben e spotu na presi fu Gado. A ben de leki wan sma di e gi trawan na okasi fu spotu en èn a e dringi en nanga prisiri leki watra. Bakaten Gado taigi Yob taki den dri man disi ben taki ogri fu Gado (Yob 42:7). Na a srefi sani Yehovah ben taigi a profeiti Samuel di den Israelsma ben aksi fu kisi wan kownu: „A no yu den no wani moro, ma na mi den no wani leki kownu fu den” (1Sa 8:7). Èn Yesus ben taigi den disipel fu en: „Na ini ala kondre sma o teige unu [a no fu un nen ede, ma] fu mi nen ede” (Mt 24:9). Efu Kresten e hori den sani disi na prakseri, dan dati kan yepi den fu horidoro te sma e spotu den èn dati o meki taki den o kisi pai fu di den e horidoro.​—Lu 6:22, 23.

5-11 FEBRUARI

GUDU NA INI GADO WORTU | PSALMS 1-4

Teki a sei fu Gado Kownukondre

Diki moro dipi

it-2-O 8-9

Alesibuba

A deni buba di e kibri den siri fu sani soleki tarwe nanga den difrenti sortu aleisi. Aladi a buba di Bijbel e taki fu en a no wan trutru buba, toku a e sori go na a fasi fa sma ben gwenti puru aleisibuba na ini owruten. Baka te den ben piki na aleisi, dan den ben e puru den buba di no ben warti noti. Disi na wan eksempre fu wan sani di lekti, di no warti noti, di sma no wani èn di musu prati fu den bunwan èn trowe gwe.

Den e puru a buba fosi fu a siri. Baka dati den e seki en go kon na ini wan baki so taki a winti kan wai den buba gwe. (Luku WANNEN.) Disi na wan moi fasi fu sori fa Yehovah o puru den wan di fadon komoto na bribi na mindri en pipel, èn fa a o pori den ogriwan nanga den wan di e opo densrefi teigi en èn trowe den gwe (Yob 21:18; Ps 1:4; 35:5; Yes 17:13; 29:5; 41:15; Ho 13:3). Gadu Kownukondre o pori den feanti fu en na ini pikinpikin pisi so taki a o makri gi a winti fu wai den gwe leki aleisibuba.​—Da 2:35.

Nofo tron den ben e tyari den aleisibuba di no warti noti kon na wan èn den ben e bron den, so taki den no ben kan wai kon baka tapu na ipi aleisi. Na a srefi fasi, Yohanes a dopuman ben fruteri na fesi taki den ogri-ati kerki fesiman o kisi pori. Yesus, a sma di e pori sani krinkrin, o tyari na aleisi kon na wan, „ma a o bron na aleisibuba nanga faya di nowan sma kan kiri.”​—Mt 3:7-12; Lu 3:17; luku DORSEN.

12-18 FEBRUARI

GUDU NA INI GADO WORTU| PSALM 5-7

Tan getrow awansi san tra sma e du

Diki moro dipi

it-1-O 878

Grebi

Na ini Romesma 3:13 na apostel Paulus taki san skrifi na Psalm 5:9 èn a teki a gorogoro fu den bedrigi sma gersi nanga „wan opo grebi.” Neleki fa opo grebi furu nanga dede skin èn soso pori sani, na so pori taki di kan tyari dede kon e komoto na ini den gorogroro.​—Luku Mt 15:18-20.