Verwijzing gi „Wi Kresten libi nanga a preikiwroko studie-buku”

Verwijzing gi Wi Kresten libi nanga a preikiwroko studie-buku

2-8 SEPTEMBER

GUDU NA INI GADO WORTU PSALM 79-81

Sori lobi gi a Santa nen fu Yehovah

ijwbv-O 3 ¶4-5

Romesma 10:13—„Kari a nen fu Masra”

Na ini Bijbel, den wortu di vertaal nanga „kari a nen fu Yehovah” wani taki moro leki fu sabi a nen fu Gado nomo èn fu gebroiki en te wi e anbegi Yehovah (Psalm 116:12-14). A wani taki sosrefi fu fertrow tapu Gado èn howpu taki a o yepi yu.—Psalm 20:7; 99:6.

A nen fu Yehovah ben prenspari gi Yesus Krestes. Den fosi wortu di a ben gebroiki di a ben leri sma fa fu begi ben de: „Wi Tata na hemel, meki yu nen de santa” (Mateyus 6:9). Yesus ben taki sosrefi taki wi musu kon sabi, dini èn lobi a sma di abi a nen, efu wi wani kisi têgo libi.—Yohanes 17:3, 6, 26.

9-15 SEPTEMBER

GUDU NA INI GADO WORTU PSALM 82-84

Warderi den grani di yu abi na ini na organisâsi fu Yehovah

Diki moro dipi

it-2-O 1028

Pkin di no abi p’pa nanga m’ma

Fu di a ben makelek fu fergiti den pkin di no ben abi p’pa nanga m’ma nanga den wan di no abi sma fu yepi den, meki Yehovah ben gebroiki den wortu „den pikin di no abi papa” fu sori fa den ben musu handri na wan reti-ati fasi nanga den sma disi. Na a ten di a pipel ben abi wan bun matifasi nanga Yehovah, den ben e sorgu gi den pkin di no abi p’pa nanga m’ma moro. Ma di a pipel no ben e du san a wèt e taki moro, dan sma no ben e sorgu moro gi den sma di no ben man yepi densrefi (Ps 82:3; 94:6; Yes 1:17, 23; Yer 7:5-7; 22:3; Ese 22:7; Sak 7:9-11; Mal 3:5). Yehovah ben e fluku den sma di ben e kwinsi den pkin di no ben abi p’apa nanga m’ma moro (De 27:19; Yes 10:1, 2). Yehovah ben teki ensrefi gersi nanga a Ferlusuman (Odo 23:10, 11), a Yepiman (Ps 10:14), nanga a P’pa (Ps 68:5) fu den sortu sma dati. Yehovah na a wan di e koti krutu gi den (De 10:17, 18), di abi sar’ati nanga den (Ho 14:3), di e meki den firi korostu (Ps 146:9) èn di e hori den na libi.—Yer 49:11.

Wan fu den sani di e sori suma na den tru Kresten, na te den e poti prakseri na den wan di e sari, fu di den lasi den masra noso den p’pa nanga m’ma na ini dede. A disipel Yakobus ben skrifi gi den Kresten taki: „A fasi fu anbegi di wi Gado nanga Tata e si leki wan sani di krin èn di de sondro flaka, na disi: fu sorgu gi pikin di no abi papa nanga mama moro èn gi uma di den masra dede kaba, te den sortu sma disi de na nowtu. Boiti dati, un no musu meki grontapu flaka unu.”—Yak 1:27.