Suku wan bun presi fu studeri

Yu ben o wani kisi moro wini fu den sani di yu e studeri na ini Bijbel? Den rai disi kan yepi yu fu poti moro prakseri na san yu e leri:

• Suku wan presi di fiti. Suku wan presi di netjes èn pe nofo leti de so taki yu kan leisi bun. Yu kan sdon na wan bureau noso na wan tafra, noso yu kan sdon na wan presi na dorosei pe a switi fu studeri.

• Suku wan presi pe yu kan de yu w’wan. Yesus ben e begi „frukufruku mamanten” (Mark. 1:35). Efu yu no man feni wan presi pe yu kan de yu w’wan, dan taigi den sma na ini yu osofamiri noso den sma pe yu e tan o ten yu o studeri èn aksi den fu hori dati na prakseri.

• No meki sani puru yu prakseri. Efu yu e gebroiki yu telefon noso yu tablet fu studeri, dan poti en tapu silent noso tapu airplane mode. Èn efu na a ten te yu e studeri yu e memre taki wan sani de di yu musu du, dan skrifi dati na wan presi so taki yu no e fergiti fu du en bakaten. Baka dati, studeri go doro. Efu yu no man hori yu prakseri na a studie, dan teki ten eife fu go waka noso fu oefen yu skin.