Aksi di opo kon

◼ Wi musu begi te wi e hori wan Bijbelstudie na sma mofodoro?

Furu wini de te wi e bigin èn tapu wan Bijbelstudie nanga begi. Na ini begi wi e aksi Yehovah fu en santa yeye de nanga wi na a studie (Luk. 11:13). Te wi e begi, dan dati e yepi a studenti tu fu frustan o seryusu a de fu studeri Bijbel èn dati e leri en fa fu begi (Luk. 6:​40). Fu dati ede te yu e studeri nanga wan sma, dan a bun fu bigin nanga begi so esi leki a kan. Ma fu di ibri situwâsi de tra fasi, meki a sma di e hori a Bijbelstudie musu luku efu a fiti fu begi na a mofodoro fu na ososma.

Wan prenspari sani di wi musu hori na prakseri na a presi pe wi e hori a studie. Efu unu hori a studie wan tu leisi kaba èn efu furu sma no de krosibei, dan a ben o bun fu bigin èn fu tapu a Bijbelstudie nanga wan syatu begi. Ma efu a sani disi ben o hari a prakseri fu sma, noso a ben o meki a studenti firi pikinso syen, dan kande a ben o moro bun fu wakti teleki a studie kan hori na wan presi pe unu wawan de. Awansi pe a studie e hori, wi musu luku o ten a fiti fu bigin a Bijbelstudie nanga wan begi.​—Luku Wi Kownukondre diniwroko fu maart 2005, bladzijde 4.