Fu di furu sma e broko den ede nanga a fasi fa sani e go na grontapu, meki taki den e gi pasi taki a matifasi fu den nanga trawan e lasi gwe.
Sma no wani bumui moro nanga den mati fu den.
Trowpaar no e sori switifasi gi makandra moro.
Papa nanga mama no e poti prakseri moro na den firi fu den pikin fu den.
San yu musu sabi?
A de prenspari fu abi mati fu di den kan yepi yu fu tan gosontu èn fu firi moro bun, spesrutu na ini muilek ten.
Den problema fu grontapu kan meki taki yu osofamiri e stress.
Te den pikin fu yu e si noso yere takru nyunsu dan dati kan abi krakti tapu den, moro leki san yu e denki.
San yu kan du now?
Bijbel e taki: „Wan trutru mati e sori lobi ala ten. En na wan brada di gebore fu te nowtu de.”—Odo 17:17.
Prakseri suma yu kan aksi fu horibaka gi yu èn di kan gi yu bun rai. Soso fu sabi nomo taki wan sma de di e broko en ede nanga yu kan yepi yu fu pasa den tesi di yu e miti.